សង្គមស៊ីវិល៖ ប្តឹងគណបក្សប្រឆាំងប៉ះពាល់ដំណើរការប្រជាធិបតេយ្យ
ចុះផ្សាយនៅថ្ងៃ៖
ស្តាប់ - ០៧:៣១
ជាថ្មីម្តងទៀត ក្រុមសង្គមស៊ីវិលបានសម្តែងការព្រួយបារម្ភចំពោះបរិយាកាសនយោបាយនៅកម្ពុជា។ បរិយាកាសដែលមេដឹកនាំ និងសមាជិករបស់គណបក្សមិននៅក្នុងរដ្ឋាភិបាលត្រូវជាប់ជំពាក់វាក់វិនជាមួយបណ្តឹងក្តីក្តាំ។ តំណាងសង្គមស៊ីវិលមួយចំនួនអត្ថាធិប្បាយថា ការដែលគណបក្សប្រឆាំងមិនអាចមានលទ្ធភាពធ្វើសកម្មភាពដោយសេរី និងមានអារម្មណ៍ភ័យខ្លាចដោយសារប្រធានគណបក្សត្រូវបានផ្តន្ទាទោសនោះ ការនេះនឹងធ្វើអោយខូចដំណើរការប្រជាធិបតេយ្យ និងដំណើរការនៃការបោះឆ្នោតផង។ តំណាងសង្គមស៊ីវិលខ្លះទៀត អំពាវនាវមិនអោយរដ្ឋាភិបាលយកតុលាការដោះស្រាយបញ្ហានយោបាយឡើយ ដោយទុកអោយអ្នកនយោបាយខូចកេរ្តិ៍ឈ្មោះដោយទង្វើរបស់ខ្លួនដោយឯកឯងទៅវិញ។