អង្គការក្រៅរដ្ឋាភិបាល ព្រួយបារម្ភពីសុវត្ថិភាពអ្នកការពារសិទ្ធិមនុស្ស
ចុះផ្សាយនៅថ្ងៃ៖
ស្តាប់ - ០៩:០២
ប្រធានបទស្តីពីការគោរពសិទ្ធិមនុស្សជាទូទៅនៅតែជាប្រធានបទក្តៅ គគុកនៅក្នុងប្រទេសកម្ពុជា។ ប៉ុន្តែក្នុងរយៈពេលចុងក្រោយនេះ ក្រុមអង្គការក្រៅរដ្ឋាភិបាលបានបន្ថែមការចាប់អារម្មណ៍ទៅលើមនុស្ស មួយក្រុមដែលកំពុងជួបបញ្ហាប្រឈមនិងការគំរាមកំហែងចំពោះសុវត្ថិភាព របស់ខ្លួននោះគឺ ក្រុមអ្នកការពារសិទ្ធិមនុស្ស។ អ្នកការពារសិទ្ធិមនុស្សមានច្រើនក្រុម។ ប៉ុន្តែក្រុមអ្នកដែលកំពុងជួបប្រទះការគំរាមកំហែងច្រើនជាងគេ សព្វថ្ងៃនេះ គឺក្រុមតំណាងសហគមន៍នានា និងតំណាងប្រជាពលរដ្ឋដែលត្រូវបណ្តេញចេញ។ ក្រុមសង្គមស៊ីវិលអំពាវនាវអោយរដ្ឋាភិបាលជួយការពារសុវត្ថិភាពអ្នក ការពារសិទ្ធិមនុស្ស និងគួរបង្កើតវេទិការជួបគ្នារវាងរដ្ឋាភិបាលនិងសង្គមស៊ីវិលដើម្បី អាចពិភាក្សាគ្នាអំពីស្ថានភាពគោរពសិទ្ធិមនុស្ស។
