សមាគមសហគ្រិនវ័យក្មេងកម្ពុជាបានរៀបចំវគ្គបណ្តុះបណ្តាលរយៈពេល២ថ្ងៃ គឺនៅថ្ងៃសៅរ៍ និងថ្ងៃអាទិត្យចុងសប្តាហ៍នេះ ស្តីពីជំនាញភាពជាអ្នកដឹកនាំនៃជីវិត។ មានសិក្ខាកាមចំនួន៣០នាក់ដែលបានចុះឈ្មោះរៀនក្នុងវគ្គសិក្សានេះ។ ក្រៅពីមន្ត្រីរាជការចំនួនបីរូប អ្នកចុះឈ្មោះផ្សេងទៀតត្រូវបង់ថវិកាចំនួន៩៩ដុល្លារសម្រាប់ការសិក្សារយៈ២ថ្ងៃនេះ។ សិក្ខាកាមទទួលស្គាល់ថា វគ្គបណ្តុះបណ្តាលនេះ ថ្វីត្បិតតែមានរយៈពេលខ្លី តែមានប្រយោជន៍ខ្លាំងណាស់។
