ពលរដ្ឋជាច្រើនរងចំាជិះរទេះភ្លើងពីភ្នំពេញទៅខេត្តព្រះសីហនុ
ចុះផ្សាយនៅថ្ងៃ៖
ស្តាប់ - ០៧:២៤
កាលពីដើមខែមករាឆ្នាំ២០១៦នេះ មានដំណឹងថាកម្ពុជានឹងដាក់ឲ្យដំណើរការខ្សែរថភ្លើងដឹកអ្នកដំណើរ ពីភ្នំពេញទៅខេត្តព្រះសីហនុ។ ដំណឹងនេះ បានធ្វើឲ្យមានការចាប់អារម្មណ៍ ជាច្រើនពីសំណាក់ប្រជាពលរដ្ឋខ្មែរ។ ពលរដ្ឋខ្មែរ ដែលមិនសូវស្គាល់រស់ជាតិ ធ្វើដំណើរតាមផ្លូវដែក ចង់ធ្វើដំណើរតាមមធ្យោបាយដែលកំពុងពេញនិយមនៅតាមប្រទេសជឿនលឿននេះ។ តើពេលណាទើបសេវាកម្មនេះ នឹងដាក់ឲ្យដំណើរការពិតប្រាកដនោះ យើងនៅមិនទាន់ដឹងទេ ប៉ុន្តែតាមរយៈបទយកការណ៍យើងនៅពេលនេះ អ្នកបើកបររថភ្លើងម្នាក់ សូមនាំអារម្មណ៍លោកអ្នក ទៅគយគន់ទេសភាពតាមដងផ្លូវដែកពីភ្នំពេញទៅខេត្តព្រះសីហនុ ជាមុនសិន។