ក្នុងខែសីហានេះ មជ្ឈមណ្ឌលជាតិផ្តល់ឈាម បានធ្វើកម្មវិធីថ្មីមួយ សម្រាប់លើកទឹកចិត្តដល់អ្នកដែលបរិច្ចាគឈាម! នោះគឺមានការរៀបចំពិធីខួបកំណើតជូន។ បើទោះបី ពិធីមិនធំដុំក្តី តែការរៀបចំនេះ បានធ្វើឲ្យអ្នកផ្តល់ឈាមនៅថ្ងៃកំណើត កាន់តែរំភើបជាខ្លាំងចំពោះអំពើល្អរបស់ខ្លួន។ នៅព្រឹកថ្ងៃសៅរ៍នេះ មជ្ឈមណ្ឌលជាតិផ្តល់ឈាម បានរៀបចំនំខួប និងរង្វាន់ផ្សេងៗមួយចំនួន ជូនដល់សប្បុរសជនពីរបីនាក់ ដែលបានផ្តល់ឈាមដោយស្មគ្រចិត្ត ក្នុងថ្ងៃកំណើត ដែលជាថ្ងៃពិសេសរបស់ខ្លួន។ ហេង ឧត្តម អ្នកកាសែតវិទ្យុបារាំង បានចូលរួមក្នុងកម្មវិធីនេះ ហើយរៀបចំបទយកការណ៍ជូនលោកអ្នកនាងស្តាប់។ ដូច្នេះសូមអញ្ជើញស្តាប់ដូចតទៅ ៖
