ការផ្សព្វផ្សាយដល់អាជ្ញាធរដែនដីពីបញ្ហាព្រំដែនជាផ្នែកមួយពង្រឹងដល់ស្ថេរភាពព្រំដែន
ចុះផ្សាយនៅថ្ងៃ៖
ស្តាប់ - ១០:០៩
នៅក្នុងកិច្ចប្រជុំផ្សព្វផ្សាយ អំពីបច្ចុប្បន្នភាពការងារកំណត់បង្គោលខណ្ឌសីមានិងបោះបង្គោល ព្រំដែន រវាងប្រទេសកម្ពុជានិងប្រទេសវៀតណាម កាលពីម្សិលមិញនៅក្រសួងមហា ផ្ទៃ ដល់អាជ្ញាធរមូលដ្ឋាន ជាពិសេសសមត្ថកិច្ចដែលមានព្រំដែនជាប់ប្រទេសវៀតណាម។កិច្ចប្រជុំជាមួយនឹងថ្នាក់មូលដ្ឋាន ដែលមានការពន្យល់បង្ហាញពីអ្នកជំនាញព្រំដែនកម្ពុជា អាចជាលើកដំបូង បន្ទាប់ពីបញ្ហាព្រំដែនកម្ពុជា-វៀតណាម បានកក្រើកឡើងនៅដំណាក់កាលចុងក្រោយនេះ។ មន្ត្រីរដ្ឋាភិបាលយល់ថាមានសារៈសំខាន់ណាស់ក្នុងការជជែកគ្នាពីបញ្ហាព្រំដែនដើម្បីឲ្យសមត្ថកិច្ចនិងអាជ្ញាធរមូលដ្ឋានជាប់ព្រំដែនវៀតណាមបានយល់ទាំងអស់គ្នា។