លទ្ធផលប្រឡងបាក់ឌុបមិនទាន់ចេញជាផ្លូវការទេ ប៉ុន្តែព័ត៌មានជាច្រើនថាសិស្សជាប់មាន ចំនួនតិចបំផុត។ ក្រសួងអប់រំ យុវជននិងកីឡា បានប្រកាសពីការប្រឡងលើកទី២ ដើម្បីទុកឳកាសដល់សិស្សដែលខំរៀន។ សម្រាប់លោករដ្ឋមន្រ្តីក្រសួងអប់រំ ការប្រឡងតឹងតែងគឺដើម្បីពង្រឹងធនធានមនុស្សនៅកម្ពុជា។ រហូតមកដល់នេះ នៅតាមសាលារៀនខ្លះក្នុងរាជធានីភ្នំពេញ កម្មវិធីរៀនត្រៀមសម្រាប់ការប្រឡងលើកទី២បានផ្សព្វផ្សាយ ប៉ុន្តែគេបារម្ភថាសិស្សនៅតាមជនបទ ពិបាកក្នុងពង្រឹងសមត្ថភាពសម្រាប់ការប្រឡងម្តងទៀតដដែល។
