រយៈពេល១ឆ្នាំ រដ្ឋាភិបាលខិតខំកែទម្រង់ច្រើន តែសង្គមស៊ីវិលមិនទាន់ពេញចិត្ត
ចុះផ្សាយនៅថ្ងៃ៖
ស្តាប់ - ១០:០២
រដ្ឋាភិបាលអាណត្តិទី៥ ដឹកនាំដោយគណបក្សប្រជាជនកម្ពុជា បានបង្ហាញផែនការកំណែទម្រង់យ៉ាងស៊ីជម្រៅទៅលើកិច្ចការងាររបស់ខ្លួន បន្ទាប់ពីការបាត់បង់ប្រជាប្រិយភាពយ៉ាងគំហុក ដែលបានស្តែងឡើងតាមរយៈការបោះឆ្នោតជាតិកាលពីខែកក្កដាឆ្នាំទៅ។ ជាផែនការកំណែទម្រង់ ដែលប្រកាសដោយលោកនាយករដ្ឋមន្ត្រី ហ៊ុន សែន នៅក្នុងសម័យប្រជុំលើកដំបូងនៃគណៈរដ្ឋមន្ត្រីនាថ្ងៃទី២៥កញ្ញា ឆ្នាំ២០១៣ និងដែលក្រុមអង្គការសង្គមស៊ីវិលបានមើលឃើញថា ជាចំណុចស្លាប់រស់របស់រដ្ឋាភិបាលអាណត្តិទី៥។ រយៈពេលជិត១ឆ្នាំមកហើយ ដែលរដ្ឋាភិបាលបានខិតខំធ្វើកំណែទម្រង់ជាច្រើន តែសង្គមស៊ីវិលថា មិនទាន់ឆ្លើយតបទៅនឹងសេចក្តីត្រូវការជាក់ស្តែងនៅឡើយ។