ការតម្លើងប្រាក់ខែនិងប្រាក់ឧបត្ថម្ភមានទាំងការរិះគន់និងការស្វាគមន៍
ចុះផ្សាយនៅថ្ងៃ៖
ស្តាប់ - ១០:២៨
រាជរដ្ឋាភិបាលនៅដើមឆ្នាំ២០១៧ខាងមុខនេះសម្រេចតម្លើងប្រាក់ប្រចាំខែសម្រាប់មន្ដ្រីជាប់កិច្ចសន្យានិងប្រាក់ឧបត្ថម្ភគ្រួសារមន្រ្តី។ ប្រាក់ឧបត្ថម្ភគ្រួសាររបស់មន្ត្រីរាជការស៊ីវិល ប្រាក់បំណាច់ឧបត្ថម្ភគ្រួសារនិងកូនយោធិននៃកងយោធពលខេមរភូមិន្ទ មន្ត្រីនគរបាល ជាតិកម្ពុជា មន្ត្រីពន្ធនាគារក្រសួងមហាផ្ទៃតម្លើងពី៦០០០រៀល ទៅដល់១៥០០០រៀល។ សម្រាប់មន្រ្តីជាប់កិច្ចសន្យាវិញតម្លើងចាប់ពី៤០ម៉ឺនរៀល ទៅដល់៥០ម៉ឺនរៀល។ហើយរដ្ឋាភិបាលក៏បានបន្ថែមប្រាក់បំណាច់ប្រចាំខែដល់ទីប្រឹក្សា ជំនួយការ លេខាធិការ និងមន្ត្រីដែលមានឋានៈស្មើគ្រប់ប្រភេទចំនួន៨ម៉ឺនរៀល។តែយ៉ាងណាមិញសម្រាប់អ្នកវិភាគបានហៅការតម្លើងប្រាក់ខែនិងប្រាក់ឧបត្ថម្ភនេះជានយោបាយប្រជាភិថុរបស់រដ្ឋាភិបាល ខណៈអ្នកជំនាញបានស្វាគមន៍លាយឡំក្ដីព្រួយបារម្ភព្រោះខ្លាចតម្លៃទំនិញរត់តាមនោះដែរ៕