ប្រាក់បំណាច់មុខងាររបស់នាយករដ្ឋមន្ត្រីមានជាង៣លានរៀល
រដ្ឋាភិបាលទើបតែបានចេញអនុក្រឹត្យមួយកាលពីថ្ងៃទី១៣តុលាដើម្បីកំណត់ប្រាក់បំណាច់មុខងាររបស់មន្ត្រីរដ្ឋាភិបាលចាប់ពីថ្នាក់អនុរដ្ឋលេខាធិការឡើងទៅ។ អនុក្រឹត្យនោះ បានបង្ហាញថា នាយករដ្ឋមន្ត្រីខ្មែរមានប្រាក់បំណាច់មុខងារជាង ៣លាន៦សែនរៀលដែលប្រហាក់ប្រហែល ៩០០ ដុល្លារអាមេរិកក្នុងមួយខែ។ ចំណែកឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រដ្ឋលេខាធិការ និងអនុរដ្ឋលេខាធិការ មានប្រាក់បំណាច់មុខងារចន្លោះពី២លាន៨សែនរៀលនិង១លាន៤សែនរៀល។
ចុះផ្សាយនៅថ្ងៃ៖
សូមបញ្ជាក់ថាប្រាក់បំណាច់មុខងារនេះមានទាំងប្រាក់បេសកកម្ម ប្រាក់បំណាច់បដិសណ្ឋារកិច្ច រហូតដល់ឈ្នួលផ្ទះ ថ្លៃទឹកនិងថ្លៃភ្លើងជាដើម។ លោក ទិន សុខួន អគ្គនាយកគ្រប់គ្រងមន្ត្រីរាជការនៃក្រសួងមុខងារសាធារណៈបានបញ្ជាក់ប្រាប់វិទ្យុបារាំងអន្តរជាតិថា ប្រាក់បំណាច់មុខងារនេះមិនមែនជាប្រាក់ខែមូលដ្ឋានទេ។ យ៉ាងណាក៏ដោយ លោកអគ្គនាយកមិនបានប្រាប់ឲ្យដឹងថា តើប្រាក់បៀវត្សរ៍មូលដ្ឋានរបស់នាយករដ្ឋមន្ត្រី និងមន្ត្រីរដ្ឋាភិបាលផ្សេងទៀតមានចំនួនពិតប្រាកដប៉ុន្មាននោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ