វត្តអារាមក្នុងទីក្រុងភ្នំពេញមានភាពអ៊ូអរ នៅថ្ងៃទី១ នៃពិធីបុណ្យចូលឆ្នាំថ្មីប្រពៃណីជាតិ
ចុះផ្សាយនៅថ្ងៃ៖
ស្តាប់ - ០៨:១៧
ដូចលោកអ្នកបានជ្រាបខ្លះៗហើយថា នៅថ្ងៃបុណ្យជាតិធំៗរបស់ព្រះរាជាណាចក្រកម្ពុជា ទីក្រុងភ្នំពេញ ដែលជារាជធានីរបស់ប្រទេសនេះ តែងតែមានភាពស្ងប់ស្ងាត់។ ស្ងប់ស្ងាត់ ដោយសារតែប្រជាជនភាគច្រើន បានចេញពីទីក្រុងទៅជួបជុំបងប្អូន សាច់ញាត្តិ នៅតាមខេត្តនានា។ ផ្សារទំនិញ ហាងទំនើប មណ្ឈមណ្ឌលពាណិជ្ជកម្មមួយចំនួនធំ ត្រូវបានបិទទ្វារ។ យ៉ាងណាមិញ នៅថ្ងៃទី១ នៃពិធីបុណ្យចូលឆ្នាំថ្មីប្រពៃណីជាតិខ្មែរ ក្នុងឆ្នាំ ២០១៤នេះ ប្រជាជនក្នុងទីក្រុងភ្នំពេញ នៅតែទៅវត្តអារាមច្រើនកុះករ មិនសូវខុសពីឆ្នាំមុនៗប៉ុន្មានទេ។ នៅថ្ងៃមហាសង្ក្រាន្តនេះផងដែរ យើងខ្ញុំសូមលើកយកទិដ្ឋភាពនៅវត្តឧណ្ណាលោម ក្នុងទីក្រុងភ្នំពេញ មកជម្រាបជូនលោកអ្នក។