ព្រឹត្តិការណ៍កម្ពុជាប្រចាំថ្ងៃ
អព្យាក្រឹតភាពរបស់កម្ពុជា៖ ឃ្លេងឃ្លោង បត់បែន ឬនឹងថ្កល់?
ចុះផ្សាយនៅថ្ងៃ៖
ការត្រួតពិនិត្យឡើងវិញដោយអ្នកវិភាគ និងមន្ត្រីគណបក្សប្រឆាំង បង្ហាញថា អព្យាក្រឹតភាពរបស់ប្រទេសនេះ«ឃ្លេងឃ្លោង» ប៉ុន្តែ មន្ត្រីរដ្ឋាភិបាលបញ្ជាក់ជាច្រើនដងថា កម្ពុជា«តែងតែ»ប្រកាន់ផ្លូវកណ្តាល។ ថ្វីបើសង្គ្រាមត្រជាក់បានរលត់ទៅហើយក្តី ហើយភូមិសាស្ត្រនយោបាយពិភពលោកបានប្រែប្រួលខ្លាំង ជាមួយនឹងការងើបឡើងនៃមហាអំណាចថ្មីៗ ជាពិសេសចិន ដែលជាមិត្តរបស់កម្ពុជា និងដែលមានមហិច្ឆតាឃើញទ្វីបអាស៊ីថ្មីមួយយ៉ាងណាក្តី ក៏នយោបាយអព្យាក្រឹតនៅតែត្រូវបានចាត់ទុកជា«ចំណុចស្លាប់រស់»របស់កម្ពុជាដដែល នៅក្នុងទំនាក់ទំនងជាមួយមហាអំណាចទាំងអស់ ក៏ដូចជាជាមួយប្រទេសជិតខាង។
