បណ្ណាល័យជាតិចង់ក្លាយទៅជាបណ្ណាល័យបែបអ៊ីនធឺណែតប៉ុន្តែមានបញ្ហាប្រឈមច្រើន
ចុះផ្សាយនៅថ្ងៃ៖
ស្តាប់ - ០៨:០៨
បណ្ណាល័យជាតិកម្ពុជាដែលជាឃ្លាំងសៀវភៅ និងចំណេះដឹងរបស់កម្ពុជា មានមហិច្ចតាចង់ប្រែក្លាយបណ្ណាល័យដែលមានចំណាស់ជិត១០០ឆ្នាំនេះ ទៅជាបណ្ណាល័យអ៊ិនធឺណែត ដែលជាភាសាអង់គ្លេសហៅថា (E-library)។ ប្រធានការិយាល័យអភិរក្សនៃបណ្ណាល័យជាតិ បានលើកឡើងថាបណ្តាល័យបែបនេះ នឹងអាចសម្រួលដល់អ្នកអាន និងអ្នកស្វែងរកឯកសារផ្សេងៗ អាចស្វែងរកបានតាមប្រព័ន្ធអ៊ិនធឺណែតយ៉ាងងាយស្រួល រួមទាំងអាចអាចដើរទាន់សម័យកាលទំនើបនាពេលបច្ចុប្បន្ន។ ប៉ុន្តែដើម្បីឈានដល់ចំណុចនេះ បណ្ណាល័យជាតិកម្ពុជាហាក់ដូចជាមានកិច្ចការជាច្រើនណាស់ដែលត្រូវពុះពារ ដូចជា កង្វះគេហទំព័រផ្ទាល់ខ្លួនរបស់បណ្ណាល័យជាតិ កង្វះធនធានមនុស្សក្នុងបណ្ណាល័យ កង្វះកន្លែងទុកដាក់ឯកសារ និងកង្វះការទំនើបកម្មគ្រឿងបរិក្ខាបច្ចេកទេសជាដើម។ ដោយឡែកអ្នកចូលអានមានចំនួនតិចតួច មិនសមាមាត្រទៅនឹងចំនួនសៀវភៅដែលមាន។