ពិធីដង្ហែព្រះអដ្ឋិគឺជាទំនៀមទម្លាប់ក្សត្រពីបរមបុរាណមក
ចុះផ្សាយនៅថ្ងៃ៖
ស្តាប់ - ០៨:២៥
ពិធីដង្ហែព្រះបរមអដ្ឋិព្រះករុណា សម្តេចព្រះមហាវីរក្សត្រ នរោត្តម សីហនុ ព្រះបរមរតនកោដ្ឋបានធ្វើឡើងរយៈពេលបីថ្ងៃនៅរាជធានីភ្នំពេញ។ ការប្រតិបត្តិពិធីបុណ្យនេះគឺបានប្រព្រឹត្តទៅដោយមានរូបភាពប្រហាក់ប្រហែលទៅនឹងពិធីបុណ្យពីអតីតកាលដែរ ដែលអតីតព្រះមហាក្សត្រខ្មែរធ្លាប់បានរៀបចំដូចៗគ្នា។ ពិធីដង្ហែព្រះបរមអដ្ឋិត្រូវបានប្រព្រឹត្តទៅយ៉ាងអធិកអធម និងមានការលើកឡើងពីគំរូវីរភាពរបស់ព្រះមហាវីរក្សត្រខ្មែរជាច្រើននៅក្នុងការទាមទារឯករាជ្យពីប្រទេសបារាំងនិងព្រះរាជតម្រិះបង្រួបបង្រួមជាតិរបស់ព្រះអង្គ។