លោក ទូច សុផាត៖ ក្រសួងការងារផ្តល់កន្លែងការងារជាង១ម៉ឺនកន្លែង តែមិនទាន់គ្រប់គ្រាន់
ចុះផ្សាយនៅថ្ងៃ៖
ស្តាប់ - ០៨:៥៥
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក ទូច សុផាត ប្រធានផ្នែកប្រមូល និងផ្សព្វផ្សាយព័ត៌មាន នៃទីភ្នាក់ងារជាតិមុខរបរនិងការងារ។ ឆ្លើយនឹងសំណួររបស់វិទ្យុបារាំងអន្តរជាតិ RFI លោក ទូច សុផាត បានឲ្យដឹងថា ទីភ្នាក់ងារជាតិមុខរបរនិងការងារនៃក្រសួងការងារ និងបណ្តុះបណ្តាលវិជ្ជាជីវៈ ទើបបានចេញសេចក្ដីប្រកាសជូនដំណឹងមួយ អំពីតម្រូវការកម្លាំងពលកម្មការងារនៅក្នងស្រុករបស់ក្រុមហ៊ុន សហគ្រាស គ្រឹះស្ថាន ដែលមានចំនួនសរុប ១៦ ១៤៦ កន្លែង សម្រាប់បងប្អូនប្រជាពលរដ្ឋ ពិសេសពលករ ដែលទើបវិលត្រឡប់មកពីប្រទេសថៃ ដើម្បីផ្ដល់ព័ត៌មាន និងជួយដោះស្រាយស្វែងរកការងារនៅក្នុងប្រទេសប្រកបដោយសុវត្ថិភាព។ ប៉ុន្តែលោកបានបញ្ជាក់ថា ការផ្តល់ការងារជាង១ម៉ឺនកន្លែងនេះ មិនទាន់អាចឆ្លើយតបទៅនឹងតម្រូវការងាររបស់ប្រជាពលរដ្ឋ និងពលករខ្មែរនៅឡើយទេ។