លោកហង្ស ពុទ្ធា៖ លោកស្រីពុង ឈីវកេក គួរតែធ្វើជាប្រធាន គជប ថ្មី
ចុះផ្សាយនៅថ្ងៃ៖
ស្តាប់ - ១០:៣៧
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោកហង្ស ពុទ្ធា នាយកប្រតិបត្តិអង្គការ និចហ្វីច (NICFEC)។ លោកហង្ស ពុទ្ធា ដែលជាសមាជិកសម្ព័ន្ធកំណែទម្រង់ការបោះឆ្នោតហៅកាត់ថា (ERA) បានផ្តល់ជាយោបល់ទៅកាន់ក្រុមការងារគណបក្សប្រជាជនកម្ពុជា និងគណបក្សសង្គ្រោះជាតិថា ប្រធាន គជប ថ្មី គួរតែជាលោកស្រីពុង ឈីវកេក ដែលជាសមាជិកទី៩ មកពីភាគីអង្គការសង្គមស៊ីវិល។ លោកស្រីពុង ឈីវកេក ដែលក៏ទទួលស្គាល់ដោយគណបក្សទាំងពីរផងដែរ។ ការថ្លែងបែបនេះបានធ្វើឡើង ស្របពេលដែលក្រុមការងារគណបក្សទាំងពីរ កំពុងខ្វែងគំនិតគ្នាលើការជ្រើសរើសប្រធាន ឫអនុប្រធានគណៈកម្មាធិការជាតិរៀបចំការបោះឆ្នោត គជប ថ្មី។ ការខ្វែងគំនិតគ្នា ដែលមានរហូតដល់១៥ចំណុច កំពុងក្លាយជាក្តីបារម្ភជាថ្មីថា ការជាប់គាំងក្នុងការបង្កើតគណៈកម្មាធិការជាតិរៀបចំការបោះឆ្នោត គជប ថ្មី នឹងអាចកើតឡើងជាថ្មី។
