លោក យស មុនីរ៉ាត់ ៖ ក្រុមហ៊ុនដែលបានសិទ្ធិរុករករ៉ែនៅកែវសីមា មិនទាន់ធ្វើអាជីវកម្មឲ្យមានជាតិពុលទេ
ចុះផ្សាយនៅថ្ងៃ៖
ស្តាប់ - ១៣:០៧
បន្ទាប់ពីពុលស្លាប់ជាបន្តបន្ទាប់នៅខេត្តក្រចេះ ដែលក្រសួងសុខាភិបាលអះអាងថា មកពីពុលស្រា និងពុលទឹកនោះ រដ្ឋមន្រ្តីក្រសួងឧស្សាហកម្ម និងសិប្បកម្ម បានចេញមកបញ្ជាក់ថា ការពុលទឹកនោះគឺដោយសារតែ ការប្រើប្រាស់សារធាតុ«ត្យានីត» សម្រាប់លាងរ៉ែមាស ហើយបណ្តាលឲ្យហូរចូលទន្លេពីខេត្តមណ្ឌលគិរី មកខេត្តក្រចេះ។ លោក ចម ប្រសិទ្ធ បានបន្ទោសលើការធ្វើអាជីវកម្មរ៉ែនៅទីនោះ។ ប៉ុន្តែក្នុងនាទីភ្ញៀវប្រចាំថ្ងៃរបស់វិទ្យុបារាំងនៅរាត្រីនេះ លោក យស មុនីរ៉ាត់ អគ្គនាយកនៃអគ្គនាយកដ្ឋានរ៉ែ បានអះអាងថា ក្រុមហ៊ុនដែលបានសិទ្ធិរុករករ៉ែនៅតំបន់នោះ មិនទាន់បានធ្វើអាជីវកម្មឲ្យមានជាតិពុលអ្វីនោះទេ។ ប៉ុន្តែលោកថា មានពលរដ្ឋធ្វើអាជីវកម្មខុសច្បាប់។
