លោក ហុក ម៉េងហ៊ាន់៖ ថវិកាថ្នាក់ឃុំទាក់ទងការប្រែប្រួលអាកាសធាតុនៅមានកម្រិត គួរតែបង្កើន
ចុះផ្សាយនៅថ្ងៃ៖
ស្តាប់ - ១១:៣១
អ្នកធ្វើការខាងផ្នែកប្រែប្រួលអាកាសធាតុប្រមាណ៧០នាក់បានជួបប្រជុំគ្នានៅព្រឹកថ្ងៃចន្ទនេះ ដើម្បីបង្ហាញពីបញ្ហាប្រឈម និងរកដំណោះស្រាយទាក់ទងនឹងការប្រែប្រួលអាកាសធាតុជាពិសេសប្រទេសកម្ពុជា។ កម្ពុជាដែលស្ថិតក្នុងចំណាត់ថ្នាក់ដែលងាយរងគ្រោះបំផុត ពីការប្រែប្រួលអាកាសធាតុ នៅក្នុងតំបន់អាស៊ីអាគ្នេយ៍។ លោក ហុក ម៉េងហ៊ាន់ ប្រធានកម្មវិធីបរិស្ថាន នៃNGO Forum ជាភ្ញៀវប្រចាំថ្ងៃរបស់វិទ្យុបារាំងអន្តរជាតិRFI បានថ្លែងថា ការប្រែប្រួលអាកាសធាតុមានផលប៉ះពាល់ច្រើនទៅលើសហគមន៍មូលដ្ឋាន។ ដូចនេះថវិកាថ្នាក់ឃុំទាក់ទងការប្រែប្រួលអាកាសធាតុនៅមានកម្រិត គួរតែត្រូវបានបង្កើនបន្ថែម។