កម្ពុជាជំរុញឲ្យម៉ាឡេស៊ីចុះហត្ថលេខាលើអនុស្សារណៈស្តីពីការការពារពលករកម្ពុជា
នៅក្នុងជំនួបជាមួយឯកអគ្គរដ្ឋទូតម៉ាឡេស៊ីថ្មីនៅរសៀលថ្ងៃពុធនេះ លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេសកម្ពុជាបានជំរុញឲ្យរដ្ឋាភិបាលម៉ាឡេស៊ីចុះហត្ថលេខាលើអនុស្សារណៈយោគយល់គ្នាស្តីពីកិច្ចការពារពលករកម្ពុជាដែលធ្វើការនៅក្នុងប្រទេសម៉ាឡេស៊ី។ នេះបើយោងតាមលោក កុយ គួង អ្នកនាំពាក្យក្រសួងការបរទេសដែលបានប្រាប់ក្រុមអ្នកកាសែត។
ចុះផ្សាយនៅថ្ងៃ៖
នៅក្នុងជំនួបនោះ ភាគីម៉ាឡេស៊ីបានបញ្ជាក់ថា ការយឺតយ៉ាវក្នុងការចុះហត្ថលេខាលើអនុស្សារណៈនេះគឺដោយសារតែម៉ាឡេស៊ីកំពុងសិក្សាឲ្យបានល្អិតល្អន់អំពីបញ្ហានេះ។ យ៉ាងណាក៏ដោយ ក្នុងអំឡុងពេលរង់ចាំការចុះហត្ថលេខានេះ ប្រមុខការទូតកម្ពុជាបានស្នើឲ្យម៉ាឡេស៊ីការពារឲ្យបានល្អពលករកម្ពុជាដែលកំពុងធ្វើការនៅក្នុងប្រទេសរបស់ខ្លួន។
សូមបញ្ជាក់ថា ពលករខ្មែរជាច្រើនដែលធ្វើការនៅក្នុងប្រទេសម៉ាឡេស៊ីបានទទួលរងការរំលោភបំពានពីថៅកែ។ មានពលការិនីដែលជាជំនួយការមេផ្ទះខ្លះទទួលរងការរំលោភផ្លូវភេទ វាយធ្វើបាបរហូតដល់ឡប់សតិ និងអ្នកខ្លះបានស្លាប់ក៏មាន។ នេះជាហេតុផលដែលកម្ពុជាជំរុញឲ្យម៉ាឡេស៊ីការពារពលកររបស់ខ្លួនដែលធ្វើការនៅក្នុងប្រទេសម៉ាឡេស៊ី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ