រដ្ឋាភិបាល និងវិស័យឯកជនត្រូវរួមគ្នាប្រឆាំងអំពើពុករលួយផ្នែកធុរកិច្ច
ចុះផ្សាយនៅថ្ងៃ៖
ស្តាប់ - ០៩:៥៥
ការប្រព្រឹត្តអំពើពុករលួយនៅក្នុងវិស័យធុរកិច្ចត្រូវបានលើកឡើងដោយលោកនាយករដ្ឋមន្ត្រី ហ៊ុន សែន បន្ទាប់ពីមានសន្និសីទប្រចាំតំបន់លើកទី៨ ស្តីពីការប្រឆាំងអំពើពុករលួយនៃគំនិតផ្តួចផ្តើមប្រឆាំងអំពើពុករលួយសម្រាប់តំបន់អាស៊ី និងប៉ាស៊ីហ្វិក រយៈពេលពីរថ្ងៃនៅរាជធានីភ្នំពេញ។ ប្រមុខរដ្ឋាភិបាលខ្មែរហាក់មានការបន្ទោសទៅលើបុគ្គលកណ្តាលដែលបានប្រព្រឹត្តអំពើពុករលួយតាមរយៈការទារសំណូកពីវិនិយោគិន ក៏ប៉ុន្តែអ្នកដែលត្រូវទទួលកំហុស គឺជាមន្ត្រីសាធារណៈ។ តាមរយៈនេះសង្គមស៊ីវិលបានមើលឃើញផងដែរ ការប្រព្រឹត្តអំពើពុករលួយនៅក្នុងវិស័យធុរកិច្ចជាប់ទាក់ទងគ្នាទាំងសងខាងរវាងអ្នកវិនិយោគនិងមន្ត្រីរាជការសាធារណៈ។