លោកមុំ គង់៖ ស្ស៊ីសា ជាផលិតផលថ្នាំជក់ មានសារធាតុនីកូទីន ធ្វើឲ្យញៀន និងមានគ្រោះថ្នាក់ដល់សុខភាព
ចុះផ្សាយនៅថ្ងៃ៖
ស្តាប់ - ០៦:៤១
ភ្ញៀវប្រចាំថ្ងៃរបស់វិទ្យុបារាំងអន្ដរជាតិ RFI នៅថ្ងៃអង្គារ ទី២៥កុម្ភៈនេះ គឺលោកវេជ្ជបណ្ឌិតមុំ គង់ នាយកប្រតិបត្តិអង្គការចលនាដើម្បីសុខភាពកម្ពុជា។ ឆ្លើយតបនឹងសំណួររបស់វិទ្យុបារាំងអន្ដរជាតិ លោកវេជ្ជបណ្ឌិតមុំ គង់ បានឲ្យដឹងថា ស្ស៊ីសា ដែលយុវវ័យកម្ពុជា និយមជក់នៅតាមក្លឹបកម្សាន្តមួយចំនួន នៅកម្ពុជា មានធាតុផ្សំពីផលិតផលថ្នាំជក់ ដែលមានគ្រោះថ្នាក់ដល់សុខភាព។ លោកវេជ្ជបណ្ឌិតបញ្ជាក់បន្ថែមថា ស្ស៊ីសា ដែលជាផលិតផលថ្នាំជក់ មានសារធាតុនីកូទីន។ ហើយនីកូទីននេះជាសារធាតុញៀន ស្ថិតក្នុងគ្រួសារជាមួយនឹងគ្រឿងញៀនដូចជា ហេរ៉ូអ៊ីន ផងដែរ។ ឆន្ទៈរបស់លោកអភិបាលរាជធានីភ្នំពេញ ដែលមានបំណងស្នើទៅរាជរដ្ឋាភិបាលឲ្យបិទអាជីវកម្មស្ស៊ីសាទាំងអស់នៅភ្នំពេញ ត្រូវបានលោកវេជ្ជបណ្ឌិតមុំ គង់ លើកទឹកចិត្ត និងចាត់ទុកថា ជារឿងល្អ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ