លោកអ៊ិន គង់ជិត៖ ពលរដ្ឋដែលមានជម្លោះជាមួយក្រុមហ៊ុនចិនខេត្តកោះកុង ត្រៀមប្រាប់មន្ដ្រីគណបក្សប្រឆាំង ពីការចង់បានរបស់ខ្លួន
ចុះផ្សាយនៅថ្ងៃ៖
ស្តាប់ - ១១:៥៨
ភ្ញៀវប្រចាំថ្ងៃរបស់វិទ្យុបារាំងអន្ដរជាតិ RFI នៅថ្ងៃអាទិត្យ ទី២៣កុម្ភៈនេះ គឺលោកអ៊ិន គង់ជិត មន្ដ្រីអង្គការការពារសិទ្ធិមនុស្ស លីកាដូ ប្រចាំខេត្តកោះកុង។ ឆ្លៀតឱកាសដែលមន្ដ្រី គណបក្សសង្គ្រោះជាតិ នឹងចុះជួបប្រជាពលរដ្ឋ ដែលមានជម្លោះជាមួយក្រុមហ៊ុនចិន Union Development Group Co, LTDនៅថ្ងៃចន្ទ ស្អែកនេះ លោកអ៊ិន គង់ជិត បានរៀបរាប់ឡើងវិញ ដំណើរដើមទងនៃជម្លោះជូនលោកអ្នកស្ដាប់។ លោកអ៊ិន គង់ជិត ក៏បានឲ្យដឹងផងដែរថាប្រជាពលរដ្ឋដែលរងគ្រោះដោយសារការដុតបំផ្លាញផ្ទះសម្បែង ពីសំណាក់ក្រុមហ៊ុនចិន សព្វថ្ងៃ កំពុងតែរង់ចាំដំណោះស្រាយពីអាជ្ញាធរ។ បើតាមមន្ដ្រីសិទ្ធិមនុស្សដដែល ប្រជាពលរដ្ឋមិនចង់ចាកចេញពីទីលំនៅចាស់របស់ពួកគាត់ទេ បើទោះជាទីនោះ ត្រូវបានអាជ្ញាធរប្រគល់ទៅឲ្យក្រុមហ៊ុនចិន Union Development Group Co, LTD អភិវឌ្ឍន៍ ក៏ដោយចុះ។ ហើយថា ប្រជាពលរដ្ឋរងគ្រោះបានត្រៀមខ្លួនរួចរាល់អស់ហើយ ដើម្បីថ្លែងពីទុក្ខលំបាក និងការចង់បានរបស់ខ្លួន ប្រាប់មន្ដ្រីគណបក្សប្រឆាំង ដែលចុះទៅជួបពួកគាត់នៅថ្ងៃស្អែកនេះ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ