អ្នកដោះមីនពីរនាក់បានស្លាប់ក្នុងហេតុការណ៍ផ្ទុះមីនតោនប្រឆាំងរថក្រោះ
អ្នកដោះមីនកម្ពុជាចំនួនពីរនាក់បានស្លាប់ នៅពេលដែលគ្រាប់មីនតោនប្រឆាំងរថក្រោះមួយបានផ្ទុះឡើង ខណៈដែលពួកគេកំពុងព្យាយាមដោះមីននោះ។ នេះបើតាមសម្តីមន្ត្រីប៉ូលីសដែលបានប្រាប់ទីភ្នាក់ងារសារពត៌មានបារាំងនៅថ្ងៃអាទិត្យទី១១ ឧសភា នេះ។
ចុះផ្សាយនៅថ្ងៃ៖
ហេតុការណ៍ផ្ទុះមីនតោននេះបានកើតឡើងកាលពីថ្ងៃសៅរ៍ ទី១០ ឧសភា ម្សិលមិញនៅក្នុងស្រុកសំឡូត ភាគពាយព្យប្រទេសកម្ពុជា គឺត្រង់តំបន់ដែលជាមូលដ្ឋានរបស់អតីតពួកខ្មែរក្រហម។
មន្ត្រីប៉ូលីសមូលដ្ឋានបាននិយាយថា អ្នកដោះមីនទាំងពីរនោះបានស្លាប់ភ្លាមៗនៅពេលដែលមីនតោនបានផ្ទុះឡើង ខណៈដែលពួកគេកំពុងជីកដីដើម្បីដោះមីននោះចេញពីដី។អ្នកដោះមីនទាំងពីរនាក់នោះបានបម្រើការឲ្យអង្គការសប្បុរសធម៌អង់គ្លេសឈ្មោះថា Halo Trust។
សូមជំរាបជូនថា ជិតបីទសវត្សមកនេះ សង្គ្រាមស៊ីវិលនៅក្នុងប្រទេសកម្ពុជាចាប់តាំងពីឆ្នាំ ១៩៦០មកម្លេះបានបន្សល់ទុកនូវគ្រាប់មីនយ៉ាងច្រើនដែលធ្វើឲ្យប្រទេសកម្ពុជាក្លាយជាប្រទេសមួយដែលមានគ្រាប់មីនច្រើនជាងគេបំផុតនៅលើពិភពលោក។
យោងតាមស្ថិតិរបស់រាជរដ្ឋាភិបាលកម្ពុជាបានបង្ហាញឲ្យដឹងថា គ្រាប់មីន និងគ្រាប់មិនទាន់ផ្ទុះដែលនៅសេសសល់បានសម្លាប់ប្រជាពលរដ្ឋខ្មែរចំនួន១៩.៦៩៣នាក់ និងរងរបួសធ្ងន់ស្រាលចំនួន៤៤.៦៨១នាក់ចាប់ពីឆ្នាំ១៩៧៩ មកដល់ខែមីនា ឆ្នាំ ២០១៤នេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ