អាជ្ញាធរ៖ ការហាមមិនអោយសហជីពជួបជុំគឺដើម្បីរក្សាភាពស្ងប់ស្ងាត់មុនជំនួបចរចានយោបាយ
ចុះផ្សាយនៅថ្ងៃ៖
ស្តាប់ - ០៩:២៩
នៅក្នុងថ្ងៃប្រារព្ធទិវាសិទ្ធិនារីអន្តរជាតិ៨មីនា កាលពីព្រឹកថ្ងៃសៅរ៍ម្សិលមិញនេះ ក្រុមអង្គការសមាគមនិងសហជីពកម្មករ ប្រមាណជា១៨ បានទៅជួបជុំគ្នាធ្វើវេទិកាសាធារណៈ នៅទីលានប្រជាធិបតេយ្យ ជិតរមណីយដ្ឋានវត្តភ្នំ ក្នុងរាជធានីភ្នំពេញ។ ប៉ុន្តែ ការជួបជុំត្រូវបានរារាំងដោយកំលាំងអាជ្ញាធរក្រុងភ្នំពេញ។ មេដឹកនាំសហជីពបានចោទប្រកាន់អាជ្ញាធរថា បានបំបិទសិទ្ធិសេរីភាពនៃការសំដែងមតិរបស់ប្រជាពលរដ្ឋ-សហជីពកម្មករ នៅថ្ងៃប្រារព្ធទិវាសិទ្ធិនារីអន្តរជាតិ៨មិនា។ ប៉ុន្តែអាជ្ញាធរបានអះអាងថា ការហាមឃាត់គឺដើម្បីរក្សាសន្តិសុខ សណ្តាប់ធ្នាប់ទីក្រុងភ្នំពេញ នៅមុនពេលក្រុមការងារគណបក្សជាប់ឆ្នោត នៅក្នុងសភាទាំងពីរ ជួបប្រជុំគ្នានៅថ្ងៃចន្ទដើមសប្តាហ៍នេះ។