កម្ពុជា-បារាំងចុះកិច្ចព្រមព្រៀងបើកថ្នាក់អនុបរិញ្ញាមនុស្សសាស្ត្រនៅសាកលវិទ្យាល័យភូមិន្ទវិចិត្រសិល្បៈ
និស្សិតមហាវិទ្យាបូរាណវិទ្យា នៃសាកលវិទ្យាល័យភូមិន្ទវិចិត្រសិល្បៈ ដែលមានសមត្ថភាព និងឆន្ទៈ អាចទទួលបញ្ញាប័ត្រពីរ ទទួលស្គាល់ដោយបារាំងផង និងដោយខ្មែរផង ក្រោយពេលបញ្ចប់ការសិក្សា។ កិច្ចព្រមព្រៀងផ្លូវការ លើគម្រោងកិច្ចសហប្រតិបត្តិការបារាំងខ្មែរឡាវ រវាងវិទ្យាស្ថានជាតិភាសានិងអរិយធម៌បូព៌ាប្រទេស INALCO និងសាកលវិទ្យាល័យភូមិន្ទវិចិត្រសិល្បៈ សាកលវិទ្យាល័យជាតិឡាវ ទើបត្រូវបានចុះហត្ថលេខាអំបាញ់មិញ ក្រោមអធិបតីភាពឯកអគ្គរាជទូតនៃព្រះរាជាណាចក្រកម្ពុជា លោក នុត ណារ៉ង និងសាកលវិទ្យាធិការនៃសាកលវិទ្យាល័យភូមិន្ទភ្នំពេញ ព្រមទាំងតំណាងភាគីឡាវ បារាំង វៀតណាម ភូមា ឥណ្ឌូណេស៊ី និងវិទ្យាស្ថានបារាំងជាដៃគូជាច្រើនទៀតដូចជា សាលាបារាំងចុងបូព៌ា EFEO តំណាងក្រុងប៉ារីស Ile de France មជ្ឈមណ្ឌលស្រាវជ្រាវវិទ្យាសាស្ត្រ CNRS មជ្ឈមណ្ឌលស្រាវជ្រាវដើម្បីអភិវឌ្ឍន៍ IRD មជ្ឈមណ្ឌលសង្គមអាស៊ីអាគ្នេយ៍CASE និងភ្នាក់ងារសាកលវិទ្យាល័យនៃប្រទេសនិយាយភាសាបារាំង AUF។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០៧:១៦
សកលវិទ្យាល័យម៉ូសុង នៃកម្មវិធីមនុស្សសាស្ត្រ ផ្តួចផ្តើមបង្កើតឡើងដោយមានកិច្ចសហប្រតិបត្តិការរវាងសកលវិទ្យាល័យភូមិន្ទវិចិត្រសិល្បៈនៅភ្នំពេញនិងវិទ្យាសា្ថនជាតិភាសានិងអរិយធម៌បូព៌ាប្រទេស Inalco បានចាប់បើកជាផ្លូវការហើយ។ កម្មវិធីមនុស្សសាស្រ្តនេះ ជាលទ្ធផលនៃកិច្ចសហប្រតិបត្តិការអន្តរជាតិផ្តួចផ្តើមនិងគាំទ្រដោយវិទ្យាស្ថានអ៊ីលណាកូ និងវិទ្យាស្ថានស្រាវជ្រាវដើម្បីអភិវឌ្ឍន៍របស់បារាំង ដែលសំដៅលើកតម្កើងការសិក្សាថ្នាក់ឧត្តម និងពិសេសការស្រាវជ្រាវ។
កាលពីនៅជាគម្រោងនៅឡើយ កម្មវិធីមនុស្សសាស្ត្រ ធ្លាប់បានគាំទ្រដោយធនាគារពិភពលោក ប៉ុន្តែការគាំទ្រជាពិសេសនិងដោយស្វាហាប់បានមកពីមជ្ឈមណ្ឌលជាតិស្រាវជ្រាវ ដើម្បីអភិវឌ្ឍន៍ មជ្ឈមណ្ឌលអាស៊ីអាគ្នេយ៍ ភ្នាក់ងារសាកលវិទ្យាល័យនៃប្រទេសនិយាយភាសាបារាំង AUF សាកលវិទ្យាល័យជាតិឡាវ សាកលវិទ្យាល័យភូមិន្ទវិចិត្រសិល្បៈកម្ពុជា និងINALCO។ គោលបំណងធំនៃកម្មវិធីមនុស្សសាស្ត្រនេះ គឺសំដៅពង្រឹងការបំពាក់បំប៉ន និងស្រាវជ្រាវ ផ្នែកមនុស្សសាស្ត្រ នៅកម្ពុជានិងឡាវ ព្រមទាំងបើកចំហដល់ក្រុមប្រទេសនៅតំបន់អាស៊ីអាគ្នេយ៍។
ការសិក្សាថ្នាក់ឧត្តមសិក្សាដោយការផ្តោះប្តូរសហការជាមួយសាកលវិទ្យាបរទេសមិនមែនជាប្រព័ន្ធសិក្សាថ្មីស្រឡាងទេ។ ប៉ុន្តែមនុស្សសាស្រ្តជាសាកលវិទ្យាល័យថ្មី ព្រោះមានគម្រោងឈរលើមូលដ្ឋានស្រាវជ្រាវ ដោយលើកកម្ពស់កំរិតសមត្ថភាពថ្នាក់បរិញ្ញា មុននឹងឈានទៅដល់ថ្នាក់អនុបណ្ឌិត។
វិទ្យាស្ថានបារាំង INALCO ជាអ្នកផ្តល់សញ្ញាប័ត្របារាំងដល់និស្សិតដែលបានចុះឈ្មោះរៀនក្នុងកម្មវិធីមនុស្សសាស្ត្រឬហៅថាសាកលវិទ្យាល័យម៉ូសុង ជាភាសាបារាំង ជាកម្មវិធីបន្ថែមលើកម្មវិធីសិក្សាថ្នាក់បរិញ្ញាខ្មែរ។ កម្មវិធីនេះមានច្រើនមុខវិជ្ជា ទាំងខាងទ្រឹស្តី និងរបៀបរៀនសា្រវជ្រាវ។ កម្មវធីសិក្សាបន្ថែមមានរយៈពេលបីខែ និស្សិតត្រូវបំពេញការសិក្សាពេញម៉ោង និងដោយសម្រុក ព្រមទាំងត្រូវចុះសិក្សាផ្ទាល់ដល់កន្លែង ដោយមានអ្នកស្រាវជ្រាវបារាំងជាអ្នកគ្រប់គ្រងត្រួតពិនិត្យ។
នៅឆ្នាំ ២០១៦ ការសិក្សានៅសាកលវិទ្យាល័យម៉ូសុងចំនួន៥០% នឹងបញ្ចូលក្នុងកម្មវិធីសិក្សាថ្នាក់បរិញ្ញាផ្នែកបូរាណវិទ្យា នៅសាកលវិទ្យាល័យភូមិន្ទវិចិត្រសិល្បៈក្រុងភ្នំពេញ។ បវេសនកាលឆ្នាំ២០១៤នេះ សម្គាល់ថោយការចាប់បើកថ្នាក់អនុបណ្ឌិត LLCER-Asie Pacifique ឯកទេសបុរេប្រវត្តិសាស្ត្រ ភាសាវិទ្យានិងនរវិទ្យា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ