តើអ្វីទៅជាព្រំដែនកំណត់រវាងតុលាការ និងរដ្ឋាភិបាលនៅកម្ពុជា?
ចុះផ្សាយនៅថ្ងៃ៖
ស្តាប់ - ០៨:៤២
ក្រោយការចាប់បញ្ជូនឪពុកម្តាយរបស់លោកឧកញ៉ាថោង សារ៉ាត់ ដាក់ពន្ធនាគារជាលើកទី២នោះ លោកនាយករដ្ឋមន្ត្រីហ៊ុន សែន បានបញ្ចេញប្រតិកម្មខ្លាំងៗតែម្តងលើការដំណើរការរបស់តុលាការ ក្នុងសំណុំរឿងប្រើប្រាស់អាវុធខុសច្បាប់។ ក្នុងនោះលោកនាយករដ្ឋមន្ត្រី បានស្នើឱ្យឧត្តមក្រុមប្រឹក្សាអង្គចៅក្រមអធិការកិច្ចលើសំណុំ ដែលពាក់ព័ន្ធឃាតកម្មឡើងវិញ។ អ្នកច្បាប់មួយចំនួន និងសង្គមស៊ីវិល បានលើកឡើងថា លោកនាយករដ្ឋមន្ត្រីបានចេញពីដែនអំណាចរបស់ខ្លួន ទៅលើកិច្ចការងារតុលាការ។ ដែលនេះបង្ហាញថាតុលាការមិនឯករាជ្យ។ ប៉ុន្តែក្រសួងយុត្តិធម៌ បានអះអាងគឺជាកាយវិការជ្រៀតជ្រែក ក្នុងប្រព័ន្ធតុលាការទេ។