រិទ្ធី លំអរពេជ្រ៖ បុណ្យភូមិ គឺជាមហោស្រពជីវភាពប្រជាពលរដ្ឋខ្មែរ
ចុះផ្សាយនៅថ្ងៃ៖
ស្តាប់ - ១១:៣៣
យុវជននៅក្នុងទីក្រុងភ្នំពេញភាគច្រើនប្រហែលជាបានលឺហើយពីពិធីបុណ្យភូមិ ដែលត្រូវបានធ្វើឡើង ជាប់គ្នាអស់រយៈពេលពីរឆ្នាំរួចមកហើយនៅវត្តព្រែកថ្លឹង ជាយរាជធានីភ្នំពេញ។ នៅឆ្នាំនេះជាឆ្នាំទីបី ហើយដែលបុណ្យភូមិនឹងត្រូវធ្វើឡើងចាប់ពីថ្ងៃទី ៨, ៩, ១០ មេសាខាងមុខនេះ នៅវត្តជ្រោយអំពិល តាមបណ្តោយផ្លូវជាតិលេខ១ ចន្លោះពីច្បារអំពៅ និងកៀនស្វាយ។ ពិធីបុណ្យដែលមានមនុស្សរាប់ពាន់នាក់ចូលរួមជារៀងរាល់ឆ្នាំ និងមានកម្មវិធីល្បែងប្រជាប្រិយខ្មែរ សិល្បៈកំសាន្ត និងរួមមានទាំងល្ខោនបាសាក់លេងនៅពេលរាត្រីផងនោះ ត្រូវបានផ្តួចផ្តើមបង្កើតឡើងដោយរិទ្ធី លំអរពេជ្រ និងសហស្ថាបនិកបីនាក់ផ្សេងទៀត។ នៅឆ្នាំនេះ លំអរពេជ្រ ទើបតែមានអាយុ ២៤ឆ្នាំប៉ុណ្ណោះ។ លោកអ្នកនាងនឹងបានស្តាប់ពីមូលហេតុនៃការបង្កើតបុណ្យភូមិនេះឡើង ហើយថាតើការបង្កើតនេះទៀតសោត មានបញ្ហា និងការលំបាកអ្វីខ្លះ? យើងស្តាប់បទយកការណ៍ដែលជាការរៀបចំជូនដោយប្រាក់ ធីតា ដូចតទៅ៖