ជប៉ុននឹងថយចំនួនប្រជាជនអស់៤០លាននាក់ ក្នុងរយៈពេល៥០ឆ្នាំខាងមុខ
នៅឆ្នាំ២០១៥នេះ ជប៉ុនមានប្រជាជនចំនួន ១២៧លាននាក់។ ប៉ុន្តែនៅឆ្នាំ២០៦៥ ចំនួនប្រជាជនអាចថយចុះមកនៅត្រឹមតែ៨៨លាននាក់ប៉ុណ្ណោះ ពោលគឺជប៉ុនត្រូវបាត់បង់ពលរដ្ឋអស់៣៩លាននាក់ ក្នុងរយៈពេល៥០ឆ្នាំ ដែលស្មើនឹងប្រមាណ៣០%បើបៀបទៅនឹងឆ្នាំ២០១៥។ រដ្ឋាភិបាលជប៉ុន បានដឹងច្បាស់ណាស់អំពីផលវិបាកនៃថយចំនួនពលរដ្ឋដែលអាចប៉ះពាល់ដល់កំណើនសេដ្ឋកិច្ច ប៉ុន្តែជប៉ុនអាចត្រឹមសង្ឃឹមពន្យឺតពេល និងទប់លំនឹងកុំឱ្យបាត់ចំនួនប្រជាពលរដ្ឋលឿនពេកតែប៉ុណ្ណោះ ?
ចុះផ្សាយនៅថ្ងៃ៖
បើតាមរបាយការណ៍របស់វិទ្យាសាស្ត្រជាតិស្រាវជ្រាវប្រជាជននិងសន្តិសុខ នៃក្រសួងសុខាភិបាលចេញផ្សាយនៅថ្ងៃម្សិលមិញ រដ្ឋាភិបាលជប៉ុនមិនអាចរក្សាកិច្ចសន្យា ដែលចង់រក្សាស្ថិរភាពប្រជាជនឱ្យនៅមានចំនួន១០០លាននាក់ នៅ៥០ឆ្នាំទៀត បានឡើយ។ ព្រោះគ្មានគម្រោងនិងគំនិតផ្តួចផ្តើមណាដែលអនុញ្ញាតឱ្យជប៉ុនអាចបង្កើនអត្រាកំណើតប្រជាជនបានស៊ីជម្រៅសោះ។
នៅឆ្នាំ២០៥៣ ជប៉ុននឹងមានប្រជាជនក្រោម១០០លាននាក់។ ថ្វីបើនយោបាយរដ្ឋាភិបាលនឹងជំរុញឱ្យស្ត្រីជប៉ុនម្នាក់នឹងអាចមានកូន1,44នាក់ជាមធ្យម នៅឆ្នាំ២០៦៥មែន ប៉ុន្តែនៅតិចជាងក្បួន ដែលតម្រូវឱ្យ ស្រី្តម្នាក់ត្រូវមានកូនយ៉ាងហោច២,០៨នាក់ជាមធ្យម ដើម្បីរក្សាលំនឹងប្រជាជនឆ្ងាយណាស់។
កាលពីឆ្នាំទៅ ជប៉ុនបានបង្កើតកូនតែជាង៩សែននាក់ប៉ុណ្ណោះ។ នេះជាចំនួនដ៏តិចបំផុតមិនធ្លាប់មានទេ គិតចាប់ពីឆ្នាំ១៨៩៩មក។ ផ្ទុយទៅវិញចំនួនមនុស្សស្លាប់ បានកើនឡើងខ្ពស់ខ្លាំងបំផុត ដល់ជិត១លាន៣សែននាក់ ក្នុងមួយឆ្នាំទៅវិញដដែល។
តាមធម្មតា ចំនួនប្រជាជនថយចុះ តែងតែអមជាមួយដោយកំណើនចំនួនមនុស្សចាស់ កាន់ច្រើនឡើងៗខ្លាំង។ ជប៉ុន ជាឧទាហរណ៍ជាក់ស្តែងតែម្តង។ នៅឆ្នាំ២០៦៥ ជប៉ុននឹងពលរដ្ឋចាស់អាយុលើស៦៥ឆ្នាំចំនួន៣៨,៤ ទល់នឹង២៨%នៅឆ្នាំ២០១៥ ឬ១៨% នៅប្រទេសបារាំង។ អាត្រាពលរដ្ឋវ័យចំណាស់នេះអាចនឹងឡើងខ្ពស់បន្ថែមទៀត ដោយសារតែមនុស្សមានអាយុកាន់តែវែង។ នៅឆ្នាំ២០៦៥ ស្ត្រីជប៉ុនអាចមានសង្ឃឹមរស់ដល់អាយុ៩១,៣៥ឆ្នាំ ទល់នឹង៨៧,៧៥ឆ្នាំ កាលពីឆ្នាំ២០១៦។ ចំណែកបុរសវិញ អាចសង្ឃឹមមានអាយុវែងដល់៨៥ឆ្នាំ ជាមធ្យម ទល់នឹង៨០ឆ្នាំនៅឆ្នាំទៅ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ