រដ្ឋអំណាច ឥណ្ឌា និងពួកឧទ្ទាមនៃរដ្ឋ Assam ចុះកិច្ចព្រមព្រៀងសន្តិភាព
រដ្ឋាភិបាលឥណ្ឌា និងរណសិរ្សរួមរំដោះ Assam នៅថ្ងៃសៅរ៍ម្សិលមិញ ៣កញ្ញា បានចុះកិច្ចព្រមព្រៀង ដើម្បីបញ្ឈប់ អំពើហិង្សា។ កិច្ចព្រមព្រៀងដែលបើកផ្លូវឲ្យទៅរកការចរចាសន្តិភាព នៅរដ្ឋ Assam ស្ថិតនៅប៉ែកឦសាននៃប្រទេសឥណ្ឌា។ ក្នុងអំឡុងពេល២០ឆ្នាំ អធិករណ៍ បានបណ្តាល ឲ្យស្លាប់ជនជាង ១ ម៉ឺន៨០០០នាក់។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣៤
គឺជាការមានជោគជ័យដំបូងនៅក្នុងការចរចារវាងក្រុមឧទ្ទាមនៃរណសិរ្សរួមរំដោះ Assam និងរដ្ឋាភិបាលឥណ្ឌាតាំងពីជិតបីឆ្នាំមកហើយ។ ហើយការចរចាថ្មីនេះ អាចកើតមានទៅបានក៏ដោយសារកំណែនជាពិសេសរបស់ពួកបញ្ញវន្ត និងសង្គមស៊ីវិលនៃតំបន់ Assam និងដែលបានរុញច្រាន ភាគីទាំងពីរឲ្យនិយាយរកគ្នាឡើងវិញ។
តាមពិត កតិកាសញ្ញានេះ ផ្តួចផ្តើមឲ្យមានវគ្គដ៏សំខាន់ នៃការចរចានិងធ្វើឲ្យមានការឈប់បាញ់គ្នាជាបណ្តោះអាសន្នដែលនឹងអនុញ្ញាត ឲ្យបណ្តាជនអាចដកដង្ហើមបាននៅក្នុងសង្គ្រាមតស៊ូ ដែលបានបណ្តាលឲ្យស្លាប់ជនជាង១ម៉ឺន៨ពាន់នាក់ក្នុងអំឡុងពេល២០ឆ្នាំ។
ពួកឧទ្ទាមនៅប៉ែកឦសាននៃប្រទេសឥណ្ឌា បានបន្ទន់គោលជំហរខ្លួនក្នុងប៉ុន្មានខែចុងក្រោយនេះ ជាពិសេស ចាប់តាំងពីពួកគេ បានបាត់បង់ការគាំទ្រពីខាងប្រទេស បង់ក្លាដែស ជិតខាងដែលនាពេលថ្មីៗ បានចាប់ខ្លួននិងបញ្ជូនមេកើយធំៗ ជាច្រើនរបស់ពួកគេទៅឲ្យរដ្ឋាភិបាលឥណ្ឌា។
នៅថ្ងៃនេះ រណសិរ្សរំដោះ Assam លែងទាមទារចង់បានឯករាជ្យនៃរដ្ឋ Assam ទៀតឡើយ ប៉ុន្តែ ទទូចឲ្យសើរើ ពិនិត្យឡើងវិញរដ្ឋធម្មនុញ្ញឥណ្ឌា ដើម្បីរួមបញ្ចូល ឲ្យបានប្រសើរជាងមុននូវសិទ្ធិ របស់បណ្តាជនមូលដ្ឋាន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ