Ben Ladenស្លាប់៖ សហគមន៍អន្តរជាតិអបអរសាទរដំណឹងនេះ
បន្ទាប់ពីលោកប្រធានាធិបតីអាមេរិក បារ៉ាក អូបាម៉ា បានប្រកាសថា បិន ឡាដិន (Ben Laden) -មេបណ្តាញភេរវនិយម អន្តរជាតិ al-Qaida ស្លាប់ ភ្លាម សហគមន៍អន្តរជាតិ បានបញ្ចេញប្រតិកម្មអបអរសាទរចំពោះដំណឹងនេះ ជាហូរហែ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣០
អតីតប្រធានាធិបតីអាមេរិក លោក George W.Bush បានបញ្ចេញប្រតិកម្មមុនគេ ដោយលោកចាត់ទុកថា ការស្លាប់របស់ បិនឡាដិន គឺជាជ័យជំនះដ៏ធំធេងមួយរបស់សហរដ្ឋអាមេរិក។
លោក David Camerone នាយករដ្ឋមន្ត្រីប្រទេសអង់គ្លេសដែលជាប្រទេសសម្ព័ន្ធមិត្តទីមួយរបស់សហរដ្ឋអាមេរិក ក្នុងការប្រយុទ្ធប្រឆាំងទល់នឹងបណ្តាញភេរវនិយម al-Qaida បានពោលពាក្យថា “ នេះ ជាការធូរស្បើយចិត្តខ្លាំងណាស់។
លោក Benjamin Netanyahu នាយករដ្ឋមន្ត្រីអ៊ីស្រាអែល វិញ បានចាត់ទុកដំណឹងនេះ ជាជោគជ័យដ៏ប្រសើរ សំរាប់លទ្ធិប្រជាធិបតេយ្យ។
“គឺ ជាព្រឹត្តិការណ៍ធំចំបងមួយរបស់ពិភពលោកក្នុងការប្រយុទ្ធប្រឆាំងទល់នឹងភេរវនិយម” នេះជាប្រសាសន៍ លោកនីកូឡាសាកូហ្ស៊ី ប្រមុខរដ្ឋបារាំង ។
បុរីវ៉ាទីកង់របស់សម្តេចប៉ាប ក៏បានបញ្ចេញប្រតិកម្មដែរថា “ Oussama ben laden មានការទទួលខុសត្រូវដ៏ធ្ងន់ធ្ងរមួយក្នុងការផ្សព្វផ្សាយញុះញង់ឲ្យមានអំពើ ទោសៈ និងការបំបែកបំបាក់គ្នា រវាងប្រជាជនក្នុងពិភពលោក។
រីឯលោក ហាមិតកាហ្សៃ ប្រធានាធិបតី អាហ្វហ្កានិស្ថានវិញ យល់ឃើញថា បិនឡាដិន បានទទួលរងនូវបាបកម្មដែលខ្លួន បានកសាងជាយូរឆ្នាំមកហើយ និង បានអំពាវនាវឲ្យពួកឧទ្ទាមតាលីបាន ធ្វើការទម្លាក់អាវុធ។
សំរាប់ប្រទេសកេនយ៉ា”នេះ គឺជាយុត្តិធម៌មួយ ចំពោះជនរងគ្រោះទាំងអស់ដែលបានស្លាប់នៅក្នុងអំពើភេរវកម្មកាលពីឆ្នាំ១៩៩៨នៅទីក្រុង Nairobi រដ្ឋធានីនៃប្រទេស កេនយ៉ា និងនៅទីក្រុងដារ៉េស-សាឡ៉ាម ប្រទេសតង់ហ្សានី៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ