ចិន មានបំណងពង្រឹងទំនាក់ទំនងសេដ្ឋកិច្ចជាមួយអាឡឺម៉ង់
ឧបនាយករដ្ឋមន្រ្តីចិន លោកLi Keqiang អញ្ជើញមកដល់ទីក្រុង ប៊ែរឡាំងនាថ្ងៃព្រហស្បតិ៍៧មករាម្សិលមិញដើម្បីបំពេញទស្សនកិច្ចក្នុង ប្រទេសអាឡឺម៉ង់ចំនួន៤ថ្ងៃ។ លោក Li Keqiang បានថ្លែងប្រាប់ទីក្រុង ប៊ែរឡាំង ថា"ប្រទេសចិននិងអាឡឺម៉ង់ ត្រូវតែ រួមកម្លាំងគ្នាដើម្បី ពង្រីកសហប្រតិបត្តិការណ៍សេដ្ឋកិច្ចដើម្បីទទួលបាននូវផលប្រយោជន៍ពី គ្នាទៅវិញទៅមក"។ នៅថ្ងៃសុក្រនេះ លោក Li Keqiang ត្រូវជួបសន្ទនាជាមួយ លោកស្រីនាយករដ្ឋមន្ត្រីអាឡឺម៉ង់ Angela Merkel និងលោកប្រធានាធិបតីអាឡឺម៉ង់ Christian Wulff ក៏ព្រមទាំងលោករដ្ឋមន្ត្រីក្រសួងការបរទេស Guido Westerwelle។
ចុះផ្សាយនៅថ្ងៃ៖
សេចក្តីរាយការណ៍របស់ នុយ ប៊ែរណាដែត
នៅឱកាសថ្លែងសន្ទរកថាមួយ នាពេលទទួលទានអាហារល្ងាចជាមួយបណ្តាអ្នកតំណាងសហគ្រាសអាឡឺម៉ង់និងចិន លោក Li Keqiang បានថ្លែងបញ្ជាក់ថា ប្រទេសចិនមានសមត្ថភាពគ្រប់គ្រាន់ទាំងអស់ក្នុងការរក្សានិងធានានូវការរីកចំរើនសេដ្ឋកិច្ចមួយដែលមានស្ថិរភាពនិងឆាប់រហ័សក្នុងរយៈពេលដ៏យូរ។
លោកឧបនាយករដ្ឋមន្ត្រីចិន បានបន្តទៀតថា « ក្នុងពេលនេះ ចិន ស្ថិតនៅជាប្រទេសកំពុងអភិវឌ្ឍន៍ ដូច្នេះ ចិនត្រូវតែខំប្រឹងប្រែង សម្រេចឲ្យបានជោគជ័យនូវគោលដៅធ្វើនវូបនីយកម្មនានាដើម្បី ឲ្យប្រជាជនចិនទាំងអស់ បានទទួលផលប្រយោជន៍ពី ការរីកចំរើនសេដ្ឋកិច្ចនិងសង្គម។
នៅក្នុងទំនាក់ទំនងរវាងចិននិងអាឡឺម៉ង់វិញ ដោយសារសហប្រតិបត្តិការ និងការសម្របសម្រួលគ្នាបានស្អិតល្មួតល្អ ប្រទេសទាំងពីរ បានសម្រេចជោគជ័យយ៉ាងឆាប់រហ័សក្នុងការផ្តល់សន្ទុះសេដ្ឋកិច្ចដ៏រឹងមាំមួយឲ្យងើបចេញផុតពី វិបត្តិហិរញ្ញវត្ថុពិភពលោក។ មិនតែប៉ុណ្ណោះ លោកឧបនាយករដ្ឋមន្រ្តីចិន បានគូសបញ្ជាក់ទៀតថា ពាណិជ្ជកម្មឧភតោភាគី បានកើនឡើងរហូតដល់ ១៤ម៉ឺនលានដុល្លារ នៅឆ្នាំ ២០១០ គឺ ទំហំ ច្រើនជាង ៣០ដង បើប្រៀបទៅឆ្នាំ ១៩៩០។
យោងតាម លោក លី ចិននិងអាឡឺម៉ង់ មិនគ្រាន់តែ ពង្រីកសហប្រតិបត្តិការនៅលើវិស័យដែលធ្លាប់មានជាយូរមកហើយ ដូចជា ផ្នែកបរិក្ខារ និងសាងសង់គ្រឿងយន្ត-រោងចក្រគីមី និងឧស្សាហកម្មយានជំនិះប៉ុណ្ណោះទេ ប៉ុន្តែ ក៏ត្រូវពង្រីកសហការផងដែរ នៅលើផ្នែកថ្មីៗទៀតដូចជា ឋាមពល សម្ភារៈថ្មីៗ បច្ចេកវិទ្យាទំនើបៗ ដើម្បីការពារបរិស្ថាន។ មិនតែប៉ុណ្ណោះ លោក លី មានបំណងចង់ឲ្យប្រទេសអាឡឺម៉ង់ បើកចំហរទីផ្សាររបស់ខ្លួនជានិច្ចដែរ។
នៅទីបញ្ចប់ លោក ឧបនាយករដ្ឋមន្ត្រីចិន បាន សម្តែងចេតនាចង់លើកស្ទួយទំនុកទុកចិត្តរវាងចិននិងសហភាពអឺរ៉ុប ព្រោះលោកចង់ឃើញ ចិននិងសហភាពអឺរ៉ុប មានការរួបរួមគ្នា និងរីកចម្រើនរួមគ្នា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ