កម្មវិធីនុយក្លេអ៊ែរភូមា
ប្រទេសភូមាកំពុងរៀបចំកម្មវិធីនុយក្លេអ៊ែរសម្ងាត់មួយ។ កម្មវិធីនុយក្លេអ៊ែរសម្ងាត់របស់ភូមានេះអាចនឹងពន្លឿនសកម្មភាពរបស់ខ្លួន បើប្រសិនជាមានជំនួយពីសំណាក់ប្រទេសកូរ៉េខាងជើង។ នេះបើយោងតាមអ្នកជំនាញការនុយក្លេអ៊ែរជាន់ខ្ពស់ម្នាក់។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ សៀក សារិន
បើយោងតាមឯកសារសម្ងាត់ដែលទទួលបានដោយជនជាតិភូមារស់នៅក្រៅប្រទេសដែលមានទីតាំងនៅប្រទេសន័រវែសបានឲ្យដឹងថា របបសឹកភូមាបានរៀបចំឲ្យមានកម្មវិធីនុយក្លេអ៊ែរមួយដោយមានជំនួយពីប្រទេសកូរ៉េខាងជើង។
លោកRobert Kelleyអតីតនាយកទីភ្នាក់ងារអន្តរជាតិខាងថាមពលបរមាណូAIEAបានពិនិត្យសិក្សាទៅលើឯកសារសម្ងាត់ទាំងនោះដែលយកចេញពីប្រទេសភូមាបានសន្និដ្ឋានថា “របបសឹកភូមាកំពុងរៀបចំកម្មវិធីនុយក្លេអ៊ែរសម្ងាត់”។ ក៏ប៉ុន្តែ លោកRobert Kelleyបានគូសបញ្ជាក់ថា កម្មវិធីនុយក្លេអ៊ែរសម្ងាត់របស់ភូមានេះនឹងពុំសម្រេចបានឡើយ បើប្រសិនជាគ្មានជំនួយពីបរទេសទេនោះ។
របបសឹកភូមាដែលត្រូវរៀបចំឲ្យមានការបោះឆ្នោតសភាមួយនៅថ្ងៃទី៧វិច្ឆិកាខាងមុខនេះបានថ្លែងបដិសេធថា ប្រទេសភូមាគ្មានបំណងក្លាយជាមហាអំណាចនុយក្លេអ៊ែរឡើយ។
ប៉ុន្តែបើយោងតាមឯកសាររបស់Democratic Voice of Burma បានបង្ហាញឲ្យឃើញនូវរូបថតរាប់ពាន់បញ្ជាក់ឲ្យឃើញពីមហិច្ឆតានុយក្លេអ៊ែររបស់របបសឹកភូមាក្រោមការគ្រប់គ្រងរបស់ឧត្តមសេនីយThan Shwe។
សហរដ្ឋអាមេរិកដែលបានបើកកិច្ចចរចាជាមួយរបបសឹកភូមាកាលពីឆ្នាំទៅ បានសម្ដែងឲ្យដឹងពីក្តីបារម្ភរបស់ខ្លួននៅចំពោះមុខ”ទំនាក់ទំនងយោធាដែលមានរវាងភូមានិងកូរ៉េខាងជើង”៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ