ការវាយប្រហារនៅពេលចាប់ផ្តើមបោះឆ្នោតសភា
មានការវាយប្រហារជាច្រើននៅពេលចាប់ផ្តើមបោះឆ្នោតសភា នៅថ្ងៃសៅរ៍១៨កញ្ញានេះ នៅអាហ្វហ្កានិស្តង់ដែលពួកតាលីបង់បានសន្យាថានឹងធ្វើអុកឡុកឱ្យ ខកខាននិងដែលជាtestមួយពិសោធចង់ដឹងជំនឿទុកចិត្តសំរាប់រដ្ឋាភិបាល និងកងកម្លាំងសន្តិសុខ។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ វីនស្តុន រតនា
មានទាហាននិងប៉ូលិស ដោយសរុប ប្រមាណជា៣០ម៉ឺននាក់ត្រូវរ៉ាប់រងសន្តិសុខនៃការបោះឆ្នោត។ ពួកអ្នកបោះឆ្នោតទំនងជាមានការរួញរាក្នុងការទៅកាន់ការិយាល័យឆ្នោត បន្ទាប់ពីមានការបាញ់គ្រាប់roquetteនៅទីក្រុងជាច្រើននៃខែត្រនិងនៅរដ្ឋធានីកាប៊ូល។ roquetteបាញ់ដោយពួកឩទ្ទាមតាលីបង់បានធ្លាក់ទៅក្នុងកណ្តាលរដ្ឋធានីជិតស្ថានទូតអាមេរិកាំងនិងទីបញ្ជាការនៃកងកម្លាំងទ័ពអន្តរជាតិ បីម៉ោងមុនការបើកការិយាល័យឆ្នោត។
ការវាយប្រហារទៅលើការិយាល័យឆ្នោតឬអគាររដ្ឋាភិបាលបានកើតមាននៅភាគខាងជើង ខាងកើតនិងខាងលិច។
“មនុស្សម្នាស្ថិតនៅក្នុងផ្ទះសិន ដោយវិនិច្ឆ័យអំពីសភាពការណ៍។ គេនឹងចេញទៅបោះឆ្នោតនៅពេលក្រោយមក “ -នេះជាការថ្លែងរបស់អភិបាលខែត្រKunduzនៅខាងជើងប្រទេស។
“ ដូចរាល់តែការបោះឆ្នោត យើងសង្ឃឹមថានឹងមានអ្នកទៅបោះឆ្នោតចំនួនច្រើន ហើយគ្មាននរណាត្រូវភ័យខ្លាចដោយឩប្បត្តិហេតុនោះទេ “ -នេះជាប្រសាសន៍របស់លោកប្រធានាធិបតីHamid Karzaï ថ្លែងទៅកាន់អ្នកកាសែត បន្ទាប់ពីបានដាក់សន្លឹកឆ្នោតទៅក្នុងហិបឆ្នោត នៅវិទ្យាល័យមួយជិតវិមានប្រធានាធិបតី។
ទោះបីជាមានការវាយប្រហារក្តី អ្នកបោះឆ្នោតខ្លះបានពុះពារជំនះការគំរាមសំឡុតរបស់ពួកតាលីបង់ដែលបានអំពាវនាវប្រជាជនអាហ្វហ្កានិស្តង់កុំឱ្យទៅបោះឆ្នោត។ ”គឺដើម្បីអនាគតរបស់អាហ្វហ្កានិស្តង់ “ -នេះជាសំដីរបស់និស្សិតម្នាក់ បន្ទាប់ពីបានបោះឆ្នោតនៅទីក្រុងកាប៊ូលមក។” ប្រជាជនពុំចង់ឱ្យពួកតាលីបង់វិលត្រឡប់មកវិញឡើយ “។
ព្រមជាមួយអសន្តិសុខ អំពើពុករលួយនិងការក្លែងបន្លំសន្លឹកឆ្នោតគឺជាប្រភពផ្សេងទៀតនៃការខ្វល់ខ្វាយខ្លាំងសំរាប់ការបោះឆ្នោតនេះ មួយឆ្នាំក្រោយពីការបោះឆ្នោតជ្រើសរើសប្រធានាធិបតីដែលបានដក់ជាប់ទៅដោយភាពមិនប្រក្រតីដ៏ធ្ងន់ធ្ងរ។ស្របតាមគណៈកម្មការពាក្យបណ្តឹង សន្លឹកឆ្នោតចំនួន១/៣បោះឱ្យលោកKarzaï គឺជាសន្លឹកឆ្នោតក្លែងបន្លំ។ការបោះឆ្នោតសភា នៅថ្ងៃសៅរ៍១៨កញ្ញានេះគឺជាការបោះឆ្នោតសភាលើកទី២ បន្ទាប់ពីការវាយផ្តួលរំលំរបបពួកតាលីបង់ នៅឆ្នាំ២០០១មក។ ដោយសរុប មានបេក្ខជន២៤៤៧នាក់ រួមមានបេក្ខនារី៣៨៦នាក់ប្រជែងគ្នាចង់បាន២៤៩អាសនៈនៃសភាជាន់ទាបនៃរដ្ឋសភាហៅថាសភា” wolesi jirga “។លទ្ធផលជាស្ថាពរនឹងពុំត្រូវប្រកាសឱ្យដឹងមុនថ្ងៃ៣១តុលានោះឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ