វៀតណាម អរគុណថៃដែលមិនឲ្យទិដ្ឋាការដល់សកម្មជនសិទ្ធិមនុស្សវៀតណាម
ប្រទេសវៀតណាម ស្វាគមចំពោះប្រទេសថៃ ក្នុងការបិទខ្ទប់មិនឲ្យសកម្មជនសិទ្ធិមនុស្សវៀតណាមចូលក្នុងទឹកដីថៃទេ។ ក្រុមសកម្មជនសិទ្ធិមនុស្សវៀតណាមនេះ ដែលមានមូលដ្ឋាននៅក្រុងប៉ារីស គ្រោងធ្វើសន្និសីទនៅក្រុងបាងកកនៅថ្ងៃច័ន្ទទី១៣កញ្ញាមុន ដើម្បី បរិហារអំពី ការរំលោភសិទ្ធិមនុស្សនៅក្នុងរបបកុម្មុយនិស្តវៀតណាម។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ នុយ ប៊ែរណាដែត
យោងតាមអ្នកនាំពាក្យរបស់ក្រសួងការបរទេសវៀតណាម លោកស្រី Nguyen Phoung Nga បានឲ្យដឹងកាលពីយប់ថ្ងៃអង្គារម្សិលមិញ ថា ប្រទេសវៀតណាម បានថ្លែងអំណរគុណ ចំពោះប្រទេសថៃ ដែលសម្រេចចិត្តមិនផ្តល់ទិដ្ឋាការឲ្យដល់សកម្មជនសិទ្ធិមនុស្សវៀតណាមពីររូបចូលមកក្នុងទឹកដីថៃ ដើម្បីធ្វើសកម្មភាពប្រឆាំងនឹងរបបកុម្មុយនិស្តវៀតណាមទេ។
លោកស្រី Nguyen Phoung Nga បន្តទៀតថា ៖ ការសម្រេចចិត្តរបស់ក្រុងបាងកកនេះ គឺដោយអនុលោមតាមសហប្រតិបត្តិការ និងទំនាក់ទំនងជាមិត្តភាពរវាងវៀតណាមនិងថៃ។
កាលពីថ្ងៃអាទិត្យទី ១២ កញ្ញាមុននេះដែរ ក្លឹបអ្នកកាសែតបរទេសរបស់ ប្រទេសថៃ (FCCT) បានជូនដំណឹងថា ក្លឹប (FCCT)របស់ខ្លួន ត្រូវ បានក្រសួងការបរទេសថៃ គំរាម មិនឲ្យទទួលជាដាច់ខាត អ្នកតំណាងពីររូបរបស់គណៈកម្មាធិការការពារសិទ្ធិមនុស្សវៀតណាម ដែលមានមូលដ្ឋាននៅទីក្រុងប៉ារីស។ សូមបញ្ជាក់ថា សកម្មជនសិទ្ធិមនុស្សវៀតណាម តែងតែបរិហារចោទប្រកាន់ជាញឹកញាប់របបកុម្មុយនិស្តក្រុង ហាណូយថា បាន បំបិទសិទ្ធិសេរីភាពអ្នកសាព័រត៌មានក្នុងការបញ្ចេញមតិ -ការបរិហារដែលត្រូវក្រុងហាណូយ ច្រានចោលជានិច្ច៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ