ហ៊ូ ជីនតៅ បំពេញទស្សនកិច្ច នៅShenzhen
នៅថ្ងៃចន្ទទី ៦កញ្ញានេះ លោកប្រធានាធិបតីចិន បានអញ្ជើញទៅបំពេញទស្សនកិច្ចនៅទីក្រុង Shenzhen ដែលជានិមិត្តរូបនៃការអភិវឌ្ឍន៍សេដ្ឋកិច្ចយ៉ាងលឿនរហ័សនៃប្រទេស ចិន។ លោក ហ៊ូ ជីនតៅ បានអញ្ជើញមក Shenzhen ពីព្រោះឆ្នាំ ២០១០នេះ ជាខួបគម្រប់ ៣០ឆ្នាំនៃការជ្រើសរើសយកទីក្រុងមួយនេះមកធ្វើជាមន្ទីរពិសោធន៍នៃ នយោបាយកែទម្រង់សេដ្ឋកិច្ចរបស់លោកអគ្គមគ្គទេសក៍ Deng Xiaoping។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ តាន់ ហ្សង់-ហ្វ្រង់ស្វ័រ
គឺនៅទីក្រុង Shenzhen នេះហើយដែលកាលពីពីរសប្តាហ៍មុន លោកនាយករដ្ឋមន្ត្រីចិន បានថ្លែងសុន្ទរកថាមួយ អំពាវនាវឲ្យមានកំណែទម្រង់នយោបាយ នៅប្រទេសចិន។ កាលនោះ លោក វេន យ៉ាបៅ បានអះអាងជាអាទិ៍ថា ប្រទេសចិនត្រូវតែបង្កើតឲ្យមាននូវ
បរិយាកាសនិងលក្ខខណ្ឌមួយចំនួន ដើម្បីអនុញ្ញាតឲ្យរាស្រ្តរិះគន់ ឃ្លាំមើលរដ្ឋាភិបាល និង ចូលរួមចំណែកក្នុងការកំចាត់អំពើពុករលួយ។
ម្ល៉ោះហើយបានជា ម្នាក់ៗរង់ចាំស្តាប់សុន្ទរកថារបស់លោកប្រធានាធិបតី ហ៊ូ ជីនតៅ ដែល កំពុងបំពេញទស្សនកិច្ច នៅក្នុងទីក្រុង Shenzhen ដដែលនេះ នៅថ្ងៃចន្ទទី ៦កញ្ញានេះ។ ក៏ប៉ុន្តែ នៅទីបំផុត លោក ហ៊ូ ជីនតៅ មិនបានធ្វើដូចនាយករដ្ឋមន្រ្តីរបស់លោកឡើយ។ លោកមិនបានលើកឡើងសោះឡើយពីប្រជាធិបតេយ្យូបនីយកម្មនៃប្រទេសចិន និងគ្រាន់តែ បានថ្លែងថា ទីក្រុង Shenzhen ជានិមិត្តរូបនៃការអភិវឌ្ឍន៍សេដ្ឋកិច្ចយ៉ាងលឿនរហ័សនៃ ប្រទេសចិន។
សូមជម្រាបថា កាលពីឆ្នាំ ១៩៨០ អគ្គមគ្គទេសក៍ចិន Deng Xiaoping បានសម្រេចជ្រើស យក Shenzhen មកធ្វើជាមន្ទីរពិសោធន៍នយោបាយកែទម្រង់សេដ្ឋកិច្ចរបស់លោក។
៣០ឆ្នាំក្រោយមក អតីតភូមិរបស់អ្នកនេសាទដ៏តូចមួយនេះ បានក្លាយជាមហាទីក្រុងឧស្សាហកម្ម មួយដែលមានប្រជាជាជនរហូតដល់ទៅ ៩លាននាក់ និងដែលឯកទេសខាងនាំទំនិញចេញទៅបរទេស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ