លោកThan Shwe នៅតែជាប្រមុខដឹកនាំកងទ័ពជានិច្ច
លោកអគ្គសេនាធិបតីThan Shwe ជាមនុស្សខ្លាំងនៃប្រទេសភូមា ចាប់ពីឆ្នាំ១៩៩២មក នៅថ្ងៃអង្គារ៣១សីហានេះ បានផ្ញើសារជាផ្លូវការ តាមរយៈសារព័ត៌មានជាផ្លូវការដែលខ័ណ្ឌបញ្ចប់ពាក្យចចាមអារ៉ាមថា គាត់បានលាឈប់ពីមុខងារយោធារបស់គាត់ ប៉ុន្តែដោយស្ថិតនៅជាប្រមុខរដ្ឋ។
ចុះផ្សាយនៅថ្ងៃ៖
សេចក្តីរាយការណ៍របស់ វីនស្តុន រតនា
“ លោកអគ្គសេនាធិបតីThan Shweផ្ញើសារសរសើរអបអរសាទរថ្វាយព្រះមហាក្សត្រប្រទេសម៉ាលេស៊ី “ -នេះជាព័ត៌មានរបស់New Light Of Myanmar ជាទិនានុប្បវត្តិជាផ្លូវការនៃរបបសឹកផ្តាច់ការភូមា។
ការចូលនិវត្តន៍យោធារបស់អគ្គសេនាធិបតីដែលត្រូវអ្នកប្រឆាំងធំគឺលោកស្រី Aung San Suu Kyi កំពុងជាប់ឃុំឃាំងប្រយុទ្ធតស៊ូប្រឆាំងឥតឈប់ឈរ តាំងពីជិត២០ឆ្នាំមកហើយ បានធ្វើជាកម្មវត្ថុនៃព័ត៌មានផ្ទុយគ្នា នៅចុងសប្តាហ៍មុន។
ចាប់ពីប្រទេសថៃ គេហទំព័រអាំងទែរណេតនៃពួកជននិរទេសភូមាIrrawaddyដែលផ្អែកទៅលើ “ ប្រភពយោធា “ បានអះអាងថា លោកThan Shwe អាយុ៧៧ឆ្នាំ បានបោះបង់ចោលឯកសណ្ឋានយោធា ដោយគ្រោងទុកជាមុន ការបោះឆ្នោតសភា នៅថ្ងៃ៧វិច្ឆិកាខាងមុខនេះ។
ប៉ុន្តែ ព័ត៌មានបញ្ជាក់អះអាងតែមួយគត់ នៅទីបំផុតទៅ បានលើកឡើងអំពីការចាកចេញទៅនៃនាយទាហានជាន់ខ្ពស់ចំនួន១៥នាក់ រួមមានបច្ចុប្បន្នអ្នកដឹកនាំលំដាប់ថ្នាក់ទីបីនៃរបបសឹកផ្តាច់ការគឺលោកឩត្តមសេនីយThura Shwe Mann។
គេហទំព័រអាំងទែរណេតIrrawaddy បានអះអាងថា លោកThan Shweនិងអ្នកដឹកនាំលំដាប់ថ្នាក់ទី២របស់គាត់គឺលោកMaung Ayeដែលក៏បានទទួលរងផលប៉ះពាល់នៃការរុះរើក្នុងរង្វង់ថ្នាក់ដឹកនាំយោធាកំពូលៗ ប៉ុន្តែដែលនៅតែរក្សាទុកមុខតំណែងជាអ្នកដឹកនាំលំដាប់ថ្នាក់ទី១និងទី២រៀងៗខ្លួន។
ឥស្សរជនទាំងពីរ “ រក្សាទុកមុខតំណែងខ្លួន “ -នេះជាការអះអាងនៃប្រភពព័ត៌មានមួយរបស់រដ្ឋាភិបាលភូមា។ “ អ្នកដទៃទៀតដែលបានចូលនិវត្តន៍ពីកងទ័ពនឹងទៅធ្វើជាសមាជិកគណបក្សUSDPគឺគណបក្សសាមគ្គីនិងអភិវឌ្ឍន៍នៃសហភាពជាគណបក្សស្និទ្ធនឹងរបបសឹកផ្តាច់ការភូមាហើយនិងចូលរួមក្នុងការបោះឆ្នោត”៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ