កូរ៉េខាងជើងនឹងពង្រឹងឃ្លាំងអាវុធ នុយក្លេអ៊ែររបស់ខ្លួន
កូរ៉េខាងជើង នៅថ្ងៃចន្ទ ២៨មិថុនានេះ បានប្រកាសថា ខ្លួន នឹងពង្រឹងឃ្លាំងអាវុធនុយក្លេអ៊ែរ ដោយពុំបញ្ជាក់ប្រាប់អំពីមធ្យោបាយទេ ដើម្បីឆ្លើយវាយបកទៅលើអ្វីដែល”ខ្លួនហៅថាជាអរិភាពអាមេរិកាំង”នេះ បើយោងតាមទីភ្នាក់ងារព័ត៌មានជាផ្លូវការ កូរ៉េខាងជើងហៅកាត់ថា KCNA។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ វីនស្តុន រតនា
“ព្រឹត្តិការណ៍នាពេលថ្មីៗ នៅឩបទ្វីបកូរ៉េបង្ហាញឱ្យឃើញថាកូរ៉េខាងជើងត្រូវការពង្រឹងឃ្លាំងអាវុធនុយក្លេអ៊ែររបស់ខ្លួន តាមរបៀបថ្មី ដើម្បីឆ្លើយតបចំពោះនយោបាយអាមេរិកាំងនៅតែប្រកាន់អរិភាពនិងចំពោះការគំរាមកំហែងតាមផ្លូវយោធា”-នេះជាការថ្លែងរបស់អ្នកនាំពាក្យនៃក្រសួងការបរទេសកូរ៉េខាងជើងចុះផ្សាយដោយទីភ្នាក់ងារព័ត៌មានជាផ្លូវការកូរ៉េខាងជើង KCNA។
កូរ៉េខាងជើងបានប្រកាសឲ្យដឹងនៅថ្ងៃ១២ឧសភាមុននេះអំពីជោគជ័យក្នុងការរំលាយធាតុបរមាណូស្រាលៗបញ្ចូលគ្នាឲ្យទៅជាធាតុបរមាណូធ្ងន់ត្រូវឃោសនាបំផុសបំផុលថាជា”សមិទ្ធកម្មមួយដ៏សំខាន់ណាស់” ឆ្ពោះទៅរកប្រភពថាមពលថ្មីៗ ប៉ុន្តែពួកអ្នកវិទ្យាសាស្រ្ត បានមន្ទិលសង្ស័យចំពោះការអះអាងនេះនៅក្នុងប្រទេសដ៏ក្រីក្របំផុតមួយនៅលើពិភពលោក។
ស្របតាមសហរដ្ឋអាមេរិក កូរ៉េខាងជើងដែលបានធ្វើការពិសោធន៍សាកល្បងអាវុធនុយក្លេអ៊ែរពីរដង ចាប់ពីឆ្នាំ ២០០៦មក បានបង្កើតកម្មវិធី សព្វាវុធមួយនៅលើមូលដ្នានប្រើធាតុPlutoniumនិងមានអាវុធនុយក្លេអ៊ែរ”ក្នុងចន្លោះពី១ទៅ៦គ្រាប់”។
នៅខែកញ្ញាឆ្នាំ ២០០៩ ព្យុងយ៉ាងបានប្រកាសជាលើកទី១ថា បានសម្រេចវគ្គចុងក្រោយនៃដំណើរការចម្រើនធាតុ Uranium ដែលជាបច្ចេកវិជ្ជាមួយទៀតសម្រាប់ផលិតអាវុធបរមាណូ។
សហគមន៍អន្តរជាតិប៉ុនប៉ងណែនាំកូរ៉េខាងជើងឲ្យមកកាន់តុចរចាវិញ បន្ទាប់ពីខ្លួនបានដកខ្លួនថយចេញនៅខែមេសាឆ្នាំ ២០០៩ ស្តីពីកម្មវិធីនុយក្លេអ៊ែររបស់ខ្លួនចាប់ចរចានៅខែសីហាឆ្នាំ២០០៣ បន្ទាប់ពីការបាញ់កាំជ្រួចMissile មួយដើមដែលត្រូវបានក្រុមប្រឹក្សាសន្តិសុខអ.ស.ប.ដាក់ទណ្ឌកម្ម។
អ.ស.ប.ត្រូវតែបញ្ជាក់ប្រាប់កូរ៉េខាងជើងឲ្យដឹងថា ការប្រព្រឹត្តរបស់ខ្លួន ”ពុំអាចឲ្យទទួលបានទេ”-នេះជាប្រសាសន៍របស់លោកប្រធានាធិបតីអាមេរិកាំង អូបាម៉ាថ្លែងនៅថ្ងៃអាទិត្យម្សិលមិញ នៅទីក្រុង តូរ៉ុងតូនៃប្រទេសកាណាដា ដោយព្រមានប្រាប់ប្រទេសចិនជាសម្ព័ន្ធមិត្រធំរបស់ព្យុងយ៉ាង កុំឲ្យ” ប្រព្រឹត្តដោយចេតនាទាំងងងឹតមុខឥតពិចារណា”នោះឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ