ប្រទេសម៉ាឡេស៊ី ថៃ ចូលរូមជាមួយសហរដ្ឋអាមេរិកក្នុងសមយុទ្ធ RIMPAC
ប្រទេសម៉ាឡេស៊ីនិងថៃ ជាលើកទីមួយបានចូលរួមសមយុទ្ធដ៏សំបើមមួយដឹកមុខដោយសហរដ្ឋអាមេរិកនៅ ក្នុងតំបន់ មហាសាគរ ប៉ាស៊ីហ្វីក ដែលចូលរួមដោយយោធាចំនួន ២ម៉ឺននាក់ក្នុងគោលដៅថា តើត្រូវចាត់វិធានការបែបណានៅក្នុងកាលៈទេសៈមានវិបត្តិ។
ចុះផ្សាយនៅថ្ងៃ៖
សេចក្តីរាយការណ៍របស់នុយ ប៊ែរណាដែត
គឺជាសមយុទ្ធអន្តរជាតិដ៏សំបើមអស្ចារ្យផ្នែកជើងទឹកនៅក្នុងពិភពលោកដែលគេហៅកាត់ថា RIMPAC នឹងដែលត្រូវបានចាប់ផ្តើមតាំងពីថ្ងៃពុធទី ២៣មិថុនានិងបន្តរហូតដល់រយៈពេល ៦សប្តាហ៍នៅក្បែរកោះហាវ៉ៃ។
ប្រទេស កូឡុមប៊ី បារាំងម៉ាឡេស៊ីនិងថៃ គឺ ជាសមាជិកថ្មីដែលចូលរូមជាលើកទីមួយដែរនៅក្នុងសមយុទ្ធ RIMPAC នេះ ដែលអនុញ្ញាតឲ្យប្រទេសទាំងនេះអាចបញ្ចូលខ្លួនបានយ៉ាងឆាប់រហ័សនៅក្នុងអង្គការពហុជាតិដើម្បី អាចធ្វើប្រតិបត្តិការយ៉ាងឆាប់រហ័សក្នុងពេលណាដែលមានវិបត្តិនៅក្នុងពិភពលោក ទោះបីជាអធិករណ៍ក្តីឬក៏គ្រោះមហន្តរាយធម្មជាតិក្តី។
ចំណែកប្រទេសដែលធ្លាប់បានចូលរួមលើកមុននៅក្នុងសមយុទ្ធនេះ មានប្រទេសអូស្រ្តាលី កាណាដា ឈីលី ឥណ្ឌូនេស៊ី ជប៉ុន ប្រទេស ហុល្លង់ ពេរូ សិង្ហបុរី និងកូរ៉េខាងត្បូង។ ចំណែកប្រទេសដទៃទៀត ដូចជាប្រទេសប្រេស៊ីល ឥណ្ឌា និងនូវែលហ្សេឡង់ គឺជាអ្នកសង្កេតការណ៍ របស់ RIMPAC ដែល បានធ្វើឡើងតាំងពី ឆ្នាំ ១៩៧១។ ចូលរូមនៅក្នុងសមយុទ្ធ RIMPACនេះ មាន យន្តហោះចំនួន១៥០គ្រឿងនាវា៣៤គ្រឿងនិងនាវាមុជទឹក៥គ្រឿង។
ប្រទេសថៃ គឺជាប្រទេសមួយដែលជាសម្ព័ន្ធមិត្រដ៏យូរលង់មកហើយរបស់សហរដ្ឋអាមេរិកហើយឆ្នាំនេះប្រទេសថៃ គឺជាម្ចាស់ផ្ទះ នៃសមយុទ្ធ Cobra Gold។ ប្រទេស ម៉ាឡេស៊ីវិញមានទំនាក់ទំនងប្រសើរឡើងចាប់តាំងពីលោកប្រធានាធិបតី អូបាម៉ាបានឡើងកាន់អំណាច និងបានជូនដំណឹងនៅខែនេះថា ខ្លួនមានបំណងនឹងចូលរូមក្នុង សមយុទ្ធ Cobra Goldដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ