នាយករដ្ឋមន្ត្រីភូមាបង្កើតគណបក្សថ្មីមុនការបោះឆ្នោតសភា
នាយករដ្ឋមន្ត្រីភូមាដែលទើបនឹងលាចេញពីតំណែងយោធា បានដាក់ពាក្យសុំបង្កើតគណបក្សនយោបាយមួយថ្មីដើម្បីចូលរួមបោះឆ្នោត សភាជាលើកទីមួយ ក្នុងរយៈពេល២០ឆ្នាំចុងក្រោយនេះ។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់សៀក សារិន
លោកThein Sein នាយករដ្ឋមន្ត្រីភូមាដែលទើបនឹងលាចេញពីតំណែងយោធាបានចុះឈ្មោះ កាលពីថ្ងៃព្រហស្បតិ៍ម្សិលមិញជាមួយអ្នកទទួលខុសត្រូវ ២៦នាក់ទៀតនៅមុខគ ជ ប ដើម្បីបង្កើតគណបក្សនយោបាយមួយថ្មីដែលមានឈ្មោះថា “គណបក្សសាមគ្គី និងអភិវឌ្ឍន៍សហភាពភូមា”។ នេះបើយោងតាមសារពត៌មានNew Light of Myanmar។
ប្រភពផ្លូវការបានបញ្ជាក់ឲ្យដឹងទៀតថា លោកThein Sein នាយករដ្ឋមន្ត្រីភូមាជាប្រធាននៃគណបក្សនយោបាយថ្មីនេះ។ ហើយមានឥស្សរជនភូមាសំខាន់ៗជាច្រើននាក់មកចូលរួម មានជាអាទិ៍លោកHtay Oo រដ្ឋមន្ត្រីក្រសួងកសិកម្ម លោកAung Thaung រដ្ឋមន្ត្រីក្រសួងឧស្សាហកម្ម។
គួរកត់សម្គាល់ថា លោកឧត្តមសេនីយThein Sein និងសមាជិក២២នាក់ទៀតនៃរបបសឹកភូមាចង់បង្ហាញគេឃើញនូវរូបភាពជាស៊ីវិលរបស់រដ្ឋាភិបាល នៅមុនពេលបោះឆ្នោត។ ដូច្នេះ ពួកគេប្តូរតែឯកសណ្ឋានប៉ុណ្ណោះ ចំណែកឯតួនាទី និងមុខតំណែង គឺនៅដដែល។
សារពត៌មានNew Light of Myanmarបានថ្លែងឲ្យដឹងនៅសុក្រនេះទៀតថា ក្នុងចំណោម២៥អង្គការដែលបានដាក់ពាក្យសុំបង្កើតគណបក្សនយោបាយ មានតែ១២អង្គការប៉ុណ្ណោះដែលអាជ្ញាធរភូមាបានទទួលយល់ព្រម រីឯអង្គការ១៣ទៀតកំពុងត្រូវឋិតក្នុងការពិនិត្យមើល៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ