សហរដ្ឋអាមេរិកផ្តល់ប្រាក់៦០០លានដុល្លារ ដើម្បីទប់ទល់នឹងការកាប់បំផ្លាញព្រៃ
ក្រៅពីការពិភាក្សាគ្នានៅជំនួបកំពូលអាស៊ាន នៅកោះបាលី សហរដ្ឋអាមេរិកបានប្រកាសឆន្ទៈខ្លួនចង់ផ្តល់ប្រាក់៦០០លានដុល្លារឲ្យឥណ្ឌូនេស៊ី ដើម្បីជួយដោះស្រាយបញ្ហាដ៏ធ្ងន់ធ្ងរ គឺការកាប់បំផ្លាញព្រៃ ជាបាតុភាពមួយដែលបានបណ្តាលឲ្យមានការបំផ្លិចបំផ្លាញរួចស្រេចទៅហើយនៅប្រជុំកោះឥណ្ឌូនេស៊ី និងដែលក៏ជាបុព្វហេតុមួយនៃការប្រែប្រួលអាកាសធាតុ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣២
នៅឥណ្ឌូនេស៊ី ការបាត់បង់ទៅនៃព្រៃព្រឹក្សាបណ្តាលមកពីការវាតដ៏ខ្លាំងសំបើមទីដីដាំដើមត្នោតយកប្រេងសំរាប់ឩស្សាហកម្មបំប្លែងកសិផលឱ្យទៅជាអាហារ។ ស្របតាមចលនាការពារបរិស្ថាន Greenpeace ផ្ទៃដីស្មើនឹងទំហំទីធ្លាសំរាប់លេងកីឡាបាល់ទាត់ដែលបាត់បង់ទៅរាល់តែ១៥វិនាទី។
ឃើញថា ឥណ្ឌូនេស៊ីស្ថិតក្រោមសម្ពាធជាអន្តរជាតិ ដើម្បីបញ្ឈប់បាតុភាពដ៏ចង្រៃនេះសំរាប់បរិស្ថាន ដើម្បីការពារប្រទេសឥណ្ឌូនេស៊ី ប៉ុន្តែក៏ដើម្បីការពារភពផែនដីទាំងមូលផងដែរ។ ជំនួយអាមេរិកាំងប្រកាសដោយលោកស្រីHillary Clinton នៅក្រៅពីជំនួបកំពូល នៅកោះបាលីនឹងមកបន្ថែមលើប្រាក់មួយពាន់លានដុល្លារដែលសន្យាផ្តល់ឱ្យដោយប្រទេសNorvège ប្រសិនបើរដ្ឋាភិបាលឥណ្ឌូនេស៊ីមានការចម្រើនជឿនលឿន នៅក្នុងការប្រយុទ្ធទល់នឹងការកាប់បំផ្លាញព្រៃ។
តាមពិតគឺការពារបណ្តាជននៅទីជនបទដែលរកប្រាក់ចំណូលរបស់ខ្លួនបានមកពីដើមត្នោតឱ្យប្រេង។ ក៏ប៉ុន្តែ យើងទាំងអស់គ្នាពុំមានពេលវេលាច្រើនទេ ត្រូវធ្វើឱ្យបានឆាប់រហ័ស ដ្បិតឥណ្ឌូនេស៊ីក្លាយជាប្រទេសទីបីលើពិភពលោកដែលបញ្ចេញឩស្ម័នពុលនាំឱ្យឡើងកម្តៅសីតុណ្ណភាពលើភពផែនដី បន្ទាប់ពីស.រ.អា.និងប្រទេសចិន ដំណាលពេលគ្នានេះ សេដ្ឋកិច្ចឥណ្ឌូនេស៊ីជាប់ចំណាត់ថ្នាក់ត្រឹមតែជាសេដ្ឋកិច្ចទី១៨លើពិភពលោក៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ