បទយកការណ៍
ពលករចំណាកស្រុកខុសច្បាប់ រាលចាល ចំពោះការប្រថុយប្រថាន ទៅធ្វើការក្រៅប្រទេស
ចុះផ្សាយនៅថ្ងៃ៖
ស្តាប់ - ០៨:៤៩
បុរសពេញកម្លាំងមួយក្រុម អាយុចាប់ពីជាង ២០ ឆ្នាំ ដល់ជាង ៣០ ឆ្នាំ រស់នៅឧត្តរមានជ័យ ជាប់ព្រំដែនថៃ បានសម្រេចចិត្តចាកចេញពីស្រុកកំណើត ឆ្លងដែនខុសច្បាប់ ចូលទៅរកការងារធ្វើក្នុងប្រទេសថៃ។ ពួកគេបានក្លាយជាកម្មករនេសាទ ហើយបានរសាត់អណ្តែតរយៈពេល ២ ឆ្នាំ ៥ ខែ លើទូកនេសាទ ចូលទៅកាន់ប្រទេសម៉ូរីស។ ធ្វើការជាកម្មករនេសាទ ដោយមិនទទួលបានប្រាក់កម្រៃ ហើយថែមទាំងត្រូវជាប់ពន្ធនាគាររយៈពេល ៧ ខែថែមទៀត ព្រោះតែមិនមានលិខិតឆ្លងដែន នាំឲ្យបុរសពលករមួយក្រុមនោះ រាលចាល ចំពោះការប្រថុយប្រថាន ឆ្លងដែនខុសច្បាប់ ទៅធ្វើការនៅប្រទេសក្រៅ។