អាវុធដែលរុស្ស៊ីនាំចេញទៅក្រៅចេះតែមានទំហំកើនឡើង
លោកប្រធានាធិបតីពូទីន ប្រកាសថាក្នុងឆមាសទី១ទើបកន្លងផុតទៅ ទំហំលក់នេះ មានទឹកប្រាក់ ៦.៥០០លានដុល្លារ គឺកើនឡើង១៤% បើប្រៀបទៅនឹងឆមាសទី១ឆ្នាំមុន។ ក្នុងសម័យប្រជុំឧទ្ទិសដល់សហប្រតិបត្តិការយោធារបស់រុស្ស៊ីជាមួយរដ្ឋបរទេស លោកពូទីន កត់សម្គាល់ថាក្នុង៧ឆ្នាំចុងក្រោយ ទំហំនាំចេញនៃអាវុធរុស្ស៊ី បានកើនឡើងដល់ទៅជាង២ដង គឹជាប់លេខ២ ដោយចាញ់តែ ស.រ.អា.ប៉ុណ្ណោះ ហើយរុស្ស៊ី ក្នុងការលក់នេះ តែងគោរពឥតខ្ចោះ តាមច្បាប់អន្តរជាតិ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៧
តាមការលើកឡើងនៃ លោកប្រធានាធិបតីពូទីន ៖
-បើក្នុងឆ្នាំ២០០៥ ចំណូលបានមកពី ការលក់អាវុធទៅក្រៅ គឺក្នុងទឹកប្រាក់តែ ៦.០០០លាន ដុល្លារ នោះក្នុងឆ្នាំ ២០១១កន្លងទៅ វាស្ទុះដល់ ១៣.២០០លានដុល្លារទៅហើយ។
-ឥឡូវ ស្ថិតនៅក្នុងបទបញ្ជាទិញអាវុធពីរុស្ស៊ី គឺមានកិច្ចសន្យាចុះជាមួយរដ្ឋបរទេសនានា ក្នុងទឹកប្រាក់ដល់ទៅ ៤៣.០០០លានដុល្លារ ដែលរុស្ស៊ីត្រូវបំពេញក្នុងប៉ុន្មានឆ្នាំចំពោះមុខ។
-បច្ចុប្បន្ន មានរដ្ឋបរទេសចំនួន៥៥ ដែលទិញគ្រឿងបច្ចេកទេសយោធា និងប្រព័ន្ធសព្វាវុធរុស្ស៊ី ក្នុងនោះមាន ប្រទេសឥណ្ឌា អាល់ហ្សេរី ចិន វៀតណាម វេនេហ្សុយអេឡា និងស.រ.អា.ផងដែរបើគិតជាសរុប រុស្ស៊ី ធ្វើសហប្រតិបត្តិការ វិស័យយោធា-បច្ចេកទេស ជាមួយរដ្ឋដល់ទៅ ជាង៨០ នៅក្នុងលោក។
លោកពូទីនគូសបញ្ជាក់ថា “ រុស្ស៊ីតែងបំពេញឥតល្អៀង នូវរាល់កាតព្វកិច្ច ដែលរុស្ស៊ីផ្ទាល់ បានទទួលយកមកដាក់លើខ្លួន ហើយគោរពឥតខ្ចោះតាម រាល់តែការទាមទារនៃច្បាប់អន្តរជាតិបូកទាំងរបបដែលហាមប្រាមការសាយភាយអាវុធនិងដែលត្រួតពិនិត្យលើសព្វាវុធ។
ដោយនិយាយអំពី ស្ថានភាពប្រទេសរុស្ស៊ី នៅលើទីផ្សារអាវុធ លោកពូទីន សង្កេតឃើញថា ការប្រជែងគ្នានៅលើទីផ្សារនេះ មានកម្រិតខ្ពស់ណាស់ម៉្លោះហើយបានជាជោគជ័យរុស្ស៊ីដែល សព្វថ្ងៃ ជាប់លេខ២យ៉ាងមាំនៅក្នុងលោក ខាងទំហំនាំចេញនៃអាវុធ និង គ្រឿងបច្ចេកទេស យោធាគឺកាន់តែមានទម្ងន់ទៅទៀត ដ្បិតវាជាទ្រនិចសំខាន់នៃសក្តានុពលឧស្សាហកម្ម បច្ចេកវិជ្ជា វិទ្យាសាស្ត្រ និងថែមទាំង ឆ្លុះឲ្យឃើញពី លទ្ធភាពនយោបាយ ប្រទេសរុស្ស៊ី ទៅផង។
តាមទិន្នន័យ នៃ” វិជ្ជាស្ថានអន្តរជាតិក្រុងStockholm ខាងស្រាវជ្រាវបញ្ហាសន្តិភាព “ ៖
ស.រ.អា. ដែលជាប់លេខ១ គឺចេះក្តាប់បានដល់ទៅ ៣០% នៃទីផ្សារអាវុធក្នុងលោក , រុស្ស៊ី ជាប់លេខ២ គឺដោយដណ្តើមបាន ២៤% នៃទីផ្សារនេះ ,លេខ៣ គឺធ្លាក់ទៅលើប្រទេសអាល្លឺម៉ង់ ក្នុងអត្រា ៩% , លេខ៤ គឺបារាំង មានចំណែក ៨%, ហើយលេខ៥ គឺប្រទេសអង់គ្លេស - ៤%៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ