ក្រុមហ៊ុនបើកអាជីវកម្មមួយចំនួនបានគិតគូរអំពីការចូលរួមអភិវឌ្ឍន៍សហគមន៍ ឬការបង្កើតការងារសង្គមកិច្ចដោយផ្តួចផ្តើមអោយមានផែនការការងាររបស់ក្រុមហ៊ុនរបស់ពួកគេតែម្តង។ ក្រុមហ៊ុនទាំងនេះគិតថា ការងារសង្គមកិច្ចគឺជាការទទួលខុសត្រូវរបស់ពួកគេមួយ ដែលមិនមែនធ្វើខ្លួនតែជាអ្នកចាំទទួលផលប្រយោជន៍ពីសង្គមនោះឡើយ។ ប៉ុន្តែពួកគេបានគិតថា ពួកគេត្រូវធ្វើអ្វីមួយជួយសង្គមវិញ។ ក្រុមហ៊ុនឯកជនទាំងនេះបានអំពាវនាវដល់ក្រុមហ៊ុន ឬស្ថាប័នអាជីវកម្មដទៃទៀតទោះខ្នាតតូចក្តី ខ្នាតធំក្តី ដែលមិនទាន់បានបង្កើតសកម្មភាពសហគមន៍នេះ គួរបង្កើតអោយមានការងារសង្គមកិច្ចដើម្បីចូលរួមអភិវឌ្ឍន៍ប្រទេសរួមគ្នា៕
