អ្នកទោស ដែលកំពុងជាប់ឃុំឃាំង នៅមណ្ឌលអប់រំកែប្រែទី៤ ឬហៅកាត់ថា ពន្ធនាគារ ម៤ នៅខេត្តពោធិ៍សាត់ បានអំពាវនាវរកអន្តរាគមន៍ ចំពោះការធ្វើទារុណកម្មទាំងលើរូបរាងកាយ និងទាំងលើផ្លូវចិត្ត ដូចជា ការបង្ខំឲ្យធ្វើការធ្ងន់ៗ កាប់គាស់លីសែងហួសកម្លាំង និងធ្វើចំការ ជាមួយនឹងការហូបចុកមិនគ្រប់គ្រាន់ ជាដើម។ ទារុណកម្មលើអ្នកទោស និងជនសង្ស័យ ដែលត្រូវចាប់ឃុំខ្លួន បានកើតមានទាំងនៅក្នុងពន្ធនាគារ និងទាំងនៅកន្លែងឃុំឃាំងរបស់ប៉ូលិស។ នេះបើតាមការរកឃើញរបស់ក្រុមអង្គការសង្គមស៊ីវិល ផ្នែកសិទ្ធិមនុស្ស។
