នាយករដ្ឋមន្ត្រីសន្យាអនុវត្តនយោបាយថាមពលថ្មី
លោកនាយករដ្ឋមន្ត្រីជប៉ុន Yoshihiko Noda បានប្រកាសនៅថ្ងៃអង្គារ១៣កញ្ញានេះឱ្យដឹងអំពីនិយមន័យនៃនយោបាយថាមពលថ្មី ចាប់ពីឥឡូវនេះទៅទល់រដូវក្តៅឆ្នាំ២០១២ បន្ទាប់ពីមានគ្រោះថ្នាក់នុយក្លេអ៊ែរ នៅFukushimaនិងបានព្រមានប្រាប់ថា ប្រាក់យេនថ្លៃខ្លាំងពេកគំរាមកំហែងការកសាងប្រទេសជាតិឡើងវិញ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៦
នៅក្នុងសុន្ទរកថាស្តីពីនយោបាយទូទៅ លោកនាយករដ្ឋមន្ត្រីជប៉ុន Yoshihiko Nodaបានថ្លែងថា ជប៉ុនត្រូវកំណត់គោលដៅខ្លួនគឺ “ កាត់បន្ថយឱ្យបានច្រើនជាអតិបរមា ចំណែកនៃអគ្គិសនីបានមកពីថាមពលធាតុបរមាណូ” ជាគុណប្រយោជន៍ដល់ថាមពលធម្មជាតិមិនចេះសាបសូន្យ ដើម្បីឈានមុខគេក្នុងពិភពលោក នៅក្នុងវិស័យនេះ។ គាត់បានសង្កត់ធ្ងន់ថា” យើងនឹងចាប់ផ្តើមជាថ្មីពីទំព័រសស្អាតមួយនិងបង្ហាញចាប់ពីឥឡូវនេះទៅទល់រដូវក្តៅឆ្នាំក្រោយនូវផែនការថាមពលថ្មីរហូតដល់ឆ្នាំ២០៣០។ប្រទេសយើងត្រូវកសាងសង្គមមួយប្រកបដោយថាមពលថ្មី។ ដោយប្រើប្រាស់អានុភាពនៃបច្ចេកទេសយើងរួមផ្សំជាមួយកំណែទម្រង់ខាងផ្នែកវិធាននិងនយោបាយជួយឱ្យអនុវត្កយកថាមពលថ្មី យើងធ្វើឱ្យជប៉ុនក្លាយទៅជាប្រទេសមួយជាគំរូ។
មុនគ្រោះមហន្តរាយនុយក្លេអ៊ែរ នៅFukushima បណ្តាលមកពីការរញ្ជួយដីនិងរលកយក្សស៊ូណាមី នៅថ្ងៃ១១មីនា នៅប៉ែកឦសានប្រទេស ប្រមើលប្រើប្រាស់អគ្គិសនីចំនួនជាង៥០%បានមកពីថាមពលធាតុបរមាណូ។ក៏ប៉ុន្តែ វិបត្តិនៅFukushima បានធ្វើឱ្យសភាពការណ៍ភាន់ប្រែ ដោយបង្ហើបឱ្យឃើញគ្រោះថ្នាក់នៃថាមពលក្នុងទ្រង់ទ្រាយនេះ នៅក្នុងប្រទេសមួយដែលអាស្រ័យទាំងស្រុងនឹងគ្រោះធម្មជាតិ។
សោកនាដកម្មនេះបានតម្រូវឱ្យជម្លៀសជនជាង៨ម៉ឺននាក់ចេញពីទីលំនៅខ្លួន នៅតំបន់ជុំវិញរោងចក្រនុយក្លេអ៊ែរ។ក្នុងចំណោមម៉ាស៊ីនប្រតិកម្មនុយក្លេអ៊ែរចំនួន៥៤ មានតែ១១ប៉ុណ្ណោះនៅដំណើរការបាន។ការស្ថាបនាម៉ាស៊ីនប្រតិកម្មថ្មីៗត្រូវបានផ្អាកសិន មុនវិបត្តិFukushima មានគម្រោងការបែបនេះចំនួន១៤៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ