ប្រទេស ៤ ផ្លាស់វេនគ្នា ក្នុងក្រុមប្រឹក្សាសន្តិសុខដែលមាន ១៥ ប្រទេស
មហាសន្និបាត អ.ស.ប. បានជ្រើសរើសប្រទេសថ្មី បួន ជាសមាជិកមិនអចិន្ត្រៃយ៍ នៃក្រុមប្រឹក្សាសន្តិសុខ នៅថ្ងៃសុក្រ ២១ តុលា ម្សិលមិញ ។ ប្រទេស Pakistan Guatemala Maroc និង Togo នឹងចូលក្នុងក្រុមប្រឹក្សាសន្តិសុខ សំរាប់រយៈពេល ២ឆ្នាំ ជំនួសប្រទេស Brésil Liban Nigéria និង Gabon ដែលបានបញ្ចប់អាណត្តិខ្លួន ២ ឆ្នាំ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២៤
គ្រាន់តែត្រូវបាន ជ្រើសតាំង នៅក្រុមប្រឹក្សាសន្តិសុខភ្លាម ឯកអគ្គរដ្ឋទូត Pakistan បានទទួលការហៅទូរស័ព្ទពីខាងសមភាគីឥណ្ឌារបស់ខ្លួនដែលចង់សរសើរគាត់ មុនគេបង្អស់។ គឺជាកាយវិការទូតដ៏ល្អប្រសើរណាស់ពីព្រោះ ប្រសិនបើបុរសទាំងពីរមានទំនាក់ទំនងល្អរវាងគ្នា នោះមិនខ្វះទេរឿងទាស់ទែងគ្នា រវាងឥណ្ឌានិង Pakistan នៅក្នុងសម័យប្រជុំនៃក្រុម ប្រឹក្សាសន្តិសុខ ដូចជារឿង Cachemire ឬ Afghanistan ជាដើម។
នៅក្នុងក្រុមប្រទេសអាហ្រ្វិក Maroc ដែលទោះបីជាពុំបានទទួលការគាំទ្រ របស់សហភាពអាហ្រ្វិកក្តី ក៏ប៉ុន្តែ បានទទួលអាសនៈ ខ្លួនដោយងាយស្រួលទល់នឹង Mauritanie។ ប្រទេស Togo ក៏បានចូលក្នុងក្រុមប្រឹក្សាសន្តិសុខដែរ។
សំរាប់ទ្វីបអាមេរិកឡាទីន Guatemala ជាបេក្ខជនតែមួយគត់នៃទ្វីបខ្លួន ត្រូវជំនួសប្រទេស Brésil ។
សំរាប់ អាសនៈ ប្រចាំប្រទេស អឺរ៉ូប ការបោះឆ្នោតជ្រើសរើស មានលក្ខណៈប្រជែងគ្នាខ្លាំងណាស់ គឺការបោះឆ្នោតជ្រើសរើស ៩ លើកហើយ នៅតែពុំទាន់អាច ឲ្យអារកាត់ តើត្រូវជ្រើសរើសយក Azerbaïdjan ឬ ក៏ Slovénie ? ការបោះឆ្នោតជ្រើសរើសនឹងត្រូវធ្វើឡើងវិញ នៅព្រឹកថ្ងៃចន្ទ ក្រោយនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ