ព្រះចៅAbd Allah ទី២ តែងតាំងនាយករដ្ឋមន្ត្រីថ្មី
នៅហ្ស័កដានី ព្រះចៅAbd Allahទី២ នៅថ្ងៃអង្គារម្សិលមិញ១កុម្ភៈ បានតែងតាំងនាយករដ្ឋមន្ត្រីថ្មី។ លោកMaarouf Bakhit បានទទួលបន្ទុកធ្វើ “ កំណែទម្រង់នយោបាយពិតប្រាកដ “ ។បាតុកម្មបានប្រព្រឹត្តទៅក្នុងអំឡុងបីសប្តាហ៍ចុងក្រោយនេះនៅ ក្នុងព្រះរាជាណាចក្រ ដោយសុំឱ្យរដ្ឋាភិបាលនិងនាយករដ្ឋមន្ត្រីចាកចេញទៅ។រណសិរ្ស សកម្មភាពអ៊ីស្លាមបានទិតៀនរិះគន់ការជ្រើសរើសយកលោកMaarouf Bakhit ដោយយល់ឃើញថា គាត់” ពុំមែនជាអ្នកកំណែទម្រង់និយម “ ទេនិងដោយសន្យាថានឹងធ្វើបាតុកម្មបន្តទៅទៀត។
ចុះផ្សាយនៅថ្ងៃ៖ កែប្រែថ្ងៃទី៖
សេចក្តីរាយការណ៍របស់ Angélique Ferat ប្រែសម្រួលដោយ វីនស្តុន រតនា
ពួកបាតុករទាមទារសុំឱ្យលោកនាយករដ្ឋមន្ត្រីចាកចេញទៅ។ប៉ុន្តែ ព្រះមហាក្សត្រផ្លាស់ជំនួសនាយករដ្ឋមន្ត្រីមួយរូបជាអតីតbusinessman ដោយនាយករដ្ឋមន្ត្រីមួយរូបទៀតជាទាហាន។
លោកMaarouf Bakhit ជាអតីតឯកអគ្គរាជទូតប្រចាំប្រទេសអ៊ីស្រាអែលនិងទួរគី។ជាបុគ្គលចេញមកពីមហាគ្រួសារហ្ស័កដានីមួយ។តើគាត់ជានាយករដ្ឋមន្ត្រីនៃកំណែទម្រង់ដែលពួកបាតុករបានទាមទារចង់បានឬទេ? -នេះជាសំនួរធំ។
ព្រះចៅAbd Allahទី២ នៅក្នុងលិខិតតែងតាំងគាត់ បានផ្ទុកផ្តាក់ឱ្យគាត់ធ្វើកំណែទម្រង់ដ៏ជ្រាលជ្រៅ ដើម្បីពង្រឹងរបបប្រជាធិបតេយ្យនៅហ្ស័កដានី។ប៉ុន្តែ ការតែងតាំងអតីតឩត្តមសេនីយរូបនេះគឺជាសញ្ញានៃការវិលត្រឡប់នៃក្រសួងស៊ើបការសម្ងាត់មកកាន់ឆាកនយោបាយវិញ។
ម្យ៉ាងទៀត ឈ្មោះគាត់បានជាប់ឡូកឡំជាមួយការបោះឆ្នោតសភា នៅឆ្នាំ២០០៧។កាលណោះ លោកMaarouf Bakhit បំពេញមុខងារជានាយករដ្ឋមន្ត្រី។នៅក្នុងការបោះឆ្នោតសភានេះ មានការក្លែងបន្លំសន្លឹកឆ្នោតយ៉ាងក្រាស់ក្រែល ជាហេតុបានធ្វើឱ្យប៉ះទង្គិចអារម្មណ៍ប្រជាជនហ្ស័កដានីសូម្បីតែក្នុងចំណោមអ្នកមានគោលជំហរមិនជ្រុលនិយមក៏ដោយ។
រណសិរ្សសកម្មភាពអ៊ីស្លាមជាគណបក្សអ៊ីស្លាមនិយមជ្រុលដែលជាគណបក្សប្រឆាំងដ៏ខ្លាំងបំផុតបានបញ្ចេញប្រតិកម្មតបតវិញភ្លាមភ្លែត។ គឺពុំមែនជាបុគ្គលដែលយើងត្រូវការចង់បាន ដើម្បីចេញផុតពីវិបត្តិឡើយ។ ការតែងតាំងនេះពុំមែនជាសញ្ញានៃឆន្ទៈចង់ធ្វើកំណែទម្រង់នោះទេ។ ព្រះមហាក្សត្រទំនងជាចង់សម្តែងកាយវិការមួយ ប៉ុន្តែព្រះអង្គពុំបានធ្វើឲ្យពួកអ្នកប្រឆាំងនឹងព្រះអង្គជឿតាមព្រះអង្គឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ