ទិវានារីអន្តរជាតិឆ្នាំ២០១២ ឧទ្ទិសដល់ស្ត្រីនៅជនបទ
៨ មីនា ទិវានារីអន្តរជាតិ ! ក្នុងឆ្នាំ២០១២នេះ ពិភពលោកប្រារព្ធទិវាសិទ្ធិនារី ក្រោមប្រធានបទ « ស្វ័យតភាពរបស់ស្ត្រីនៅជនបទ និងតួនាទីរបស់ស្រ្តីនៅជនបទក្នុងការបំបាត់ភាពក្រីក្រ អត់ឃ្លាន និងដើម្បីអភិវឌ្ឍន៍ »។ លោកអគ្គលេខាធិការអង្គការសហប្រជាជាតិ បាន គីមូន បានអំពាវនាវដល់រដ្ឋាភិបាល សង្គមស៊ីវិល និងក្រុមហ៊ុនឯកជនទាំងឡាយ ចូលរួមធ្វើវិនិយោគទុន ជាមួយស្ត្រីនៅតាមជនបទ លុបបំបាត់ការរើសអើងភេទ និងជួយស្ត្រីឱ្យមានសិទ្ធិទទួលអ្វីៗដូចបុរស។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:២០
សមភាពស្ត្រី-បុរស និងស្វ័យតភាពរបស់ស្ត្រី ជាទូទៅមានការរីកចម្រើនទៅមុខជាលំដាប់ នៅទូទាំងពិភពលោក ប៉ុន្តែតិចតួច និងមិនគ្រប់គ្រាន់ឡើយ ជាពិសេសចំពោះស្ត្រីនៅតាមជនបទ។ ស្ត្រី និងយុវតី ឬកុមារី នៅជនបទ ដែលតំណាងឱ្យមួយភាគបួននៃប្រជាជនសរុប មិនបានទទួលការអប់រំ ការព្យាបាលសុខភាព ឬធ្វើសេចក្តីសម្រេចចិត្តអ្វីមួយដូចបុរសឡើយ។
បើតាមអង្គការស្បៀងអាហារ និងកសិកម្ម របស់អង្គការសហប្រជាជាតិ ប្រសិនបើស្ត្រីនៅជនបទ មានលទ្ធភាព ឬមានឱកាសបានទទួលសិទ្ធិសម្រេច និងបញ្ចេញសកម្មភាព ដូចបុរស នោះពួកគាត់នឹងអាចបង្កើនការប្រមូលផលកសិកម្ម បានពី២០ ទៅ៣០% និងអាចជួយមនុស្ស ពី១០០ ទៅ ១៥០លាន ពីឱ្យរួចផុតពីភាពអត់ឃ្លានបាន។
ស្ត្រីនៅជនបទ មានភារៈមើលថែរក្សាកូន គ្រួសារ រែកទឹក កាប់អុស ចិញ្ចិមសត្វ ធ្វើស្រែធ្វើចម្ការ ... បន្ទុកដ៏ធ្ងន់នេះ បន្សល់ទុកពេលវេលាដ៏តិចតួចណាស់ សំរាប់ទៅបំពេញការងារដែលអាចរកប្រាក់ចំណូលបាន។ ម្យ៉ាងវិញទៀត ក្រៅពីកិច្ចការផ្ទះមើលការខុសត្រូវកូនចៅ និងគ្រួសារ ឧបសគ្គដ៏ចំបងមួយទៀតរបស់ស្ត្រីនៅជនបទ ក្នុងការឈោងចាប់ការងារសេដ្ឋកិច្ច និងសង្គមបាន គឺអនក្ខរភាព៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ