អ្នកកាសែតត្រូវពង្រឹងសមត្ថភាពសម្រាប់សហគមន៍អាស៊ាន២០១៥
ចុះផ្សាយនៅថ្ងៃ៖
ស្តាប់ - ០៨:៥៩
ឆ្នាំ២០១៥ នឹងក្លាយជាឆ្នាំសហគមន៍សេដ្ឋកិច្ចអាស៊ាន។ កម្ពុជាដែលជាប្រទេស កំពុងអភិវឌ្ឍន៍មួយ កំពុងត្រៀមខ្លួនទទួលយកផលចំណេញ និងការប្រឈមពីសហគមន៍នេះ។ នៅពេលដែលពលរដ្ឋខ្មែរភាគច្រើនមិនសូវបានយល់ដឹងអំពីអាស៊ាន និងសហគមន៍សេដ្ឋកិច្ចអាស៊ាននេះ សារព័ត៌មានត្រូវ បានគេជ្រើសរើសជាឧបករណ៍សំខាន់មួយសម្រាប់ការផ្សព្វផ្សាយអប់រំអំពីការប្រែប្រួលថ្មីនេះ។ បញ្ហានៅត្រង់ថា តើអ្នកសារព័ត៌មានមានសមត្ថភាពប៉ុណ្ណាដើម្បីអាចនាំយកព័ត៌មានគ្រប់ជ្រុងជ្រោយដល់ពលរដ្ឋទូទៅនោះ?ហេតុដូច្នេះហើយ សិក្ខាសាលាមួយសម្រាប់អ្នកកាសែតស្តីពីចលនាថ្មីរបស់អាស៊ាន គឺសហគមន៍សេដ្ឋកិច្ចអាស៊ានឆ្នាំ២០១៥នោះ ត្រូវបានរៀបចំធ្វើឡើងដោយក្លឹបអ្នកកាសែតកម្ពុជា។ អ្នកកាសែតសុទ្ធតែយល់ឃើញថា សិក្ខាសាលាបែបនេះមានសារៈប្រយោជន៍ខ្លាំងណាស់សម្រាប់ពួកគេ។