ដុំសាច់ក្នុងស្បូនដែលភាសាបារាំងហៅថាFibrome ច្រើនតែកើតឡើងដោយគ្មានចេញជារោគសញ្ញាអ្វីជាមុនទេ។ ប៉ុន្តែទោះជាវាមិនបង្កឲ្យមានគ្រោះថ្នាក់ខ្លាំងរហូតដល់កំរិត មហារីកក៏ដោយ ក៏វាទាមទារការព្យាបាលត្រឹមត្រូវជាមួយគ្រូពេទ្យឯកទេស ពេលមានអាការៈធ្លាក់ឈាម ឬមានអាការៈឈឺចាប់។ ឆ្លៀតក្នុងឱកាសមកបន្តកម្មសិក្សានៅប្រទេសបារាំង លោកវេជ្ជបណ្ឌិត ហួត ហួរ ឯកទេសរោគស្ត្រី និងសម្ភព នៅមន្ទីរពេទ្យខេត្តបាត់ដំបង បានចូលខ្លួនមកធ្វើអន្តរាគមន៍ក្នុង វិទ្យុបារាំងអន្តរជាតិទាក់ទងនឹងជំងឺដុំសាច់ក្នុងស្បូននេះ តាមរយៈបទសម្ភាសន៍ជាមួយ អៀង សុខម៉ិញ។
